Peñagarikanok galdu itzulerako partidan

  • Martxoaren 21a ezkeroztik, partidarik jokatu gabea zen arazo fisikoak zituelako
  • Tirapu lagun zuela, 16-22 galdu zuen Esain eta Otxandorenaren aurka

Hilabete pasa geldirik egon ondoren, atzo itzuli zen Kepa Peñagarikano kantxara. Ez zuen itzulera ona izan ordea, partida galtzeaz gain, huts askotxo egin zituen eta.

Esain eta Otxandorena bikoteak 22 eta 16 hartu zituen mendean Tirapu eta Peñagarikano, atzo, Tolosako Beotibar pilotalekuan jokatu zen partidan. Nahiz eta Tirapu Esain baino hobeki ibili aurreko koadroetan, orokorrean indartsuagoak izan ziren nafarrak.

Peñagarikanok huts dezente egin zituen; Esainek sei tantu egin zizkion saketik. Gogoan izan behar da, martxoaren 21etik, Buruz buruko txapelketan Xalaren aurka jokatu zuenetik hain zuzen ere, jokatu gabe zegoela eta partidaren azken aldera erritmo gabezia atzeman zitzaion.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide