Hirugarren mailako Lagun onak taldeak salbazioa gero eta gertuago

  • Lemonaren zelaian 0-2 irabazi zuten
  • Davitxi eta Gurutz izan ziren golagileak; biak bigarren zatian

Lagun Onak hirugarren mailako futbol taldeak, garaipen garrantzitsua lortu zuen asteburuan Lemona aurkari indartsuaren zelaian. Garaipen honekin mailari eusteko aurrerapausu handia egin dute.

Lehen zati borrokatuaren ondoren - hutsean amaitu zen -, bigarren zati bikaina egin zuten azpeitiarrek. Hasi bezain laster, epaileak penaltia adierazi zuen eta Davitxi kapitaina arduratu zen markagailuan 0-1ekoa jartzeaz. 46. minutua zen eta handik lau minutura, Gurutz aurrelariak 0-2koa sartu zuen eta partida erabakita utzi, hiru puntuak Azpeitira ekartzeko.

Bi taldeen hamikakoa hau izan zen:

Lemona: Jorge, Azpiazu, Oscar, Basabe, Gorka, Otero, Zabala (Joseba, 65. minutua), IƱigo (Pastrian, 70. minutua), Raul Calle, Ruben Ruiz eta Pitxi (Barrios, 79. minutua).

Lagun Onak: Unai, Lacalle, Tena, Aimar (Sarriegi, 75. minutua), Odriozola, Saizar (Aaron, 82. minutua), Aranburu, Davitxi, Gurutz, Regillaga (Andoni, 89. minutua) eta Abel.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide