Miel Anjel Elustondok 'Zaldi Ero idazleekin' idazleen webgune berria jarri du sarean

  • Oraingoz, 200 idazleren argazkiak bildu ditu
  • Idazle guztiak Euskal Herrikoak dira eta hauen argazkien erakusketa da

Miel Anjel Elustondo azpeitiarrak Zaldi ero Idazleekin izeneko webgunea jarri du martxan (Sustatun irakurri dugu berria). Proiektua Susa literatura argitaletxearen laguntzarekin eraman du aurrera. Zaldi ero-k 200 idazleri eginiko argazkiak jasoko ditu webgunean. Beraz, euskal idazleen argazkien erakusketa izango da.

Argazki gehienak Elustondo berak idazleei eginiko elkarrizketetatik lortutakoak dira. Aurrera begira webguneari argazki gehiago, testu gehiago, idazkiak, elkarrizketak eta loturak gehitzea da helburua, webgune literarioa sortzeko. Aldian-aldian gehituko zaizkio berrikuntza horiek.

Elustondo kolaboratzaile

Miel Anjel Elustondok Uztarria herri aldizkarian kolaboratu izan du. 2002. urteko uztailean, Nevadan dagoen Inazio Olarreaga Gerri-ri egindako erreportaia argitaratu genuen. Elustondori buruz ere idatzi zuen Uztarria berak, Ameriketara egiten zituen bidaiak zirela eta.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide