Zapo Txokoko ikastaroetan izen ematea zabaldu da

Urteko azken hiruhilabeterako sukaldaritza, dantza afrikarrak, txalaparta eta Chi-Kung ikastaroak antolatu ditu Azpeitiko Udaleko Gazteria sailak 14 urtetik gorakoentzat. Ikastaroetan parte hartzeko izena urriaren 17a baino lehen eman behar da Zapo Txokoko bulegoan.

  • Sukaldaritza hastapenak. Asteartetan 18:30etatik 20:30etara. Zapo Txokoko sukaldean. Ikastaroak guztira 18 ordu izango ditu, eta 55€ ordainduko dira (45€ gazte edo ikasle txartelaz).
  • Txalaparta. Asteartetan 18:30etatik 20:00etara Zapo Txokoko gela balioaniztunean. Ikastaroak 18 ordu izango ditu, eta 45€ ordainduko dira (35€ gazte edo ikasle txartelaz).
  • Dantza afrikarrak. Asteazkenetan 18:00etatik 20:00etara. Zapo Txokoko gela balioaniztunean. Ikastaroak 18 ordu izango ditu, eta 45€ kostako da (35€ gazte edo ikasle txartelaz).
  • Chi-Kung.Ostegunetan 18:00etatik 20:00etara Zapo Txokoko gela balioaniztunean. Ikastaroak 18 ordu ditu, eta 45€ko kostua du (35€ gazte edo ikasle txartelaz).

Ikastaroetan parte hartu nahi dutenek izena emateko azken eguna urriaren 17a dute. Horretarako Zapo Txoko Gaztelekuko telefonora deitu beharko dute, 943 - 15 71 61 zenbakira edo gazteria.azpeitia@azpeitia.net helbidera idatzi.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide