Enparan zubian egiten ari diren berritze lanetan bi aldetako petrilak altxatu eta bertan argiztatze berria jarriko da, petrilean sartutako fokoak ezarriko dira beraz. Jose Mª Arregik, udaleko aparejadoreak, azaldu digunez: "halako zubi zahar batetan ez dira egoki geratzen argi posteak, horregatik argiak behean jarriko dira".
Lan hauek 5 miloi pezetatako aurrekontua dute, eta hilabete barru zubiko lanak bukatu eta berriz zabalduta izango dela aurreikusten da.
Azpeitia, Historian Zehar, Imanol Elias-ek idatzitako liburuan Enparango zubiaz dio: "urteetan zehar herriz kanpo eta harresiaren barrutik ziren azpeitiarrak bat egiteko erabiltzen zen bakarra Urola ibaia gainditzeko. Beraren berri ematen zaigu herriko agiri zaharrenetan herriko sarrera bat bertan zelako."