Itsasi taldearen arropak erakusgai izango dira bihartik aurrera

Itsasi Euskal Kultur elkarteak, bere sorreraren 25. urteurreneko ekitaldiekin jarraituz, arropen erakusketa bat antolatu du martxoaren 16tik 24ra bitartean, bi egunak barne.

Erakusketan taldea sortu zenetik gaur egun arte erabili diren eta erabiltzen diren jantziak erakusgai egongo dira. 30 jantzi ezberdin erakutsiaz, 55 bat maniki egongo dira zortzi egun hauetan.

Erakusketa hau, Alde Zaharreko Elkarteko denden erakusleihoetan izango da ikusgai, eta Alde Zaharreko Elkartearen eta Azpeitiko Udalaren laguntzaz antolatu du Itsasik.

Nahi duen oro gonbidatuta dago erakusketa ikustera.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide