Bihar izena emateko azken eguna 'Sendabelarren ikastarora'ko

Gizartekintza Sailak antolatu duen 'Sendabelarren Ikastaro'an parte hartu nahi duenak biharko eguna du azkena izena emateko. Interesa dutenek deitu dezatela Gizartekintzako telefono honetara: 943- 157192.

Sendabelarren ikastaroa 8 saiotan banatuta dago, eta 11 egunetan eskainiko da. Arlo praktikoa landuko da bertan. Honela, zenbait sendagai prestatuko dira: fruta likoreak, bizkarra eta azalerako pomadak, bainu-gatzak, desodorantea, kremak eta abar. Ikastaro honekin, urria, azaroa eta abendua bitartean medikuntza alternatiboaren ingurauan jorratu ziren hitzaldiei jarraipena eman nahi zaie.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide