Aktualitatea

Atzo banatu ziren Aitonenako mus, puntto eta tute txapelketako sari eta garaikurrak

Aitonena | 2002-04-11 : 17:04 | Besterik

Atzo arratsaldeko 18:00etan banatu ziren mus, puntto eta tute txapelketako sari eta garaikurrak. Musean Mauricio Gogorza eta Julian Cendoyak osatutako bikotea izan zen irabazlea. Punttoan, Gabriela Unanue eta Maria Enparan izan ziren irabazleak. Eta tutean, Jose Iturbe eta Jose Etxeberriak irabazi zuten.

Enparan zubia berritze lanetan da

Uztarria.com | 2002-04-11 : 16:04 | Besterik

Enparan kalea eta Enparan dorretxea batzen dituen zubiko lanak hasi berri dira. Lanak irauten duten bitartean zubia itxita izango da, hilabete batetako epea aurreikusten da lanak bukatzeko.

 

Izan ere batzuon jasangarritasun mentalak ez dik neurririk

aitor unanue | 2002-04-10 : 23:04 | Iritzia

Jasangarritasun mentala (Aitor Aranguren-i)erantzunez...

»» Erantzunak: 4 (Uztarria.eus)

Presoen aldeko baraualdi masiboa

Azpeitiko Gazte Ekimena | 2002-04-09 : 21:04 | Taldeak

Apirilaren 13 eta 14ean presoen aldeko baraualdi masiboa ospatuko da. Baraualdia Olazko Amaren plazatxoan izango da.

»» Erantzunak: 3 (Uztarria.eus)

Pako Aristik liburu berri bat aurkeztu du

Uztarria.eus | 2002-04-09 : 13:04 | Kultura

Erein argitaletxeak, gaur, eguerdiko 12etan Donostiako Udal Liburutegiko sotoan hiru liburu aurkeztu ditu. Tartean, Deborah, hondartza bakarti batean, Pako Aristirena.

 

“Azpeitiko Gazteentzako Guneak” udal gobernuaren txostenari Batasunaren erantzuna

Azpeitiko Batasuna | 2002-04-08 : 21:04 | Iritzia

Azpeitiko udalak herritarron buzoietan aldizkari itxurako txosten dotorea sartu digu, Azpeitiko Gazteentzako Guneak izenburuarekin. Publikazio horrekin aurpegira barre egin digu berriro alkateak. Zergatik sartu ote zaio orain bapatean herritarrei informazio hori zabaltzeko premia larria? Ez ote dago informazioa ematea beste asmorik testu horretan? Bai horixe! Guk hala uste dugu behintzat.

»» Erantzunak: 7 (Uztarria.eus...)

Juan Mari Ibarzabalek jaso du XXIII. Juan Antxieta inauterietako argazki lehiaketako lehen saria

Uztarria.eus | 2002-04-08 : 20:04 | Taldeak

Gaur arratsaldeko 19:00etan Antxieta Etxean XXIII. Kutxa Juan Antxieta argazki lehiaketako sariak banatu dira eta aldi berean, apirilaren 26ra arte irekita izango den argazki erakusketa zabaldu da. Argazki lehiaketa honetan gai nagusia inauterietako sokamuturra izan ohi da eta inauteri giroa jasotzen duten argazkientzat ere sari berezi bat izaten da.

 

Bielek 3,25 milioi euro inbertitu ditu

Uztarria.eus | 2002-04-08 : 16:04 | Ekonomia

Azpeititik Urrestillara bidean dagoen Biele enpresak 3,25 milioiko inbertsioa egin du, bere produkzio ahalmena bikoizteko. Biele enpresaren iharduera, prozesu industrialaren automatizazioan datza.

»» Erantzunak: 3 (Uztarria.eus)

Albisteei erantzuteko aukera uztarria.com-en

Uztarria.com | 2002-04-05 : 21:04 | Uztarriaeus

Uztarria.com webgunea bisitatzen duzuenok, azken orduko albisteak eta eztabaida dituzue, batik bat, estimatuen. Halaxe erakutsi digu egin genuen azterketak. Hemendik aurrera, bi aukerok uztartuz, albiste bakoitza osatu, erantzun edo iruzkina gehitzeko aukera izango duzue. Eztabaidan parte hartzea den bezin erraz.

»» Erantzunak: 3 (Uztarria.eus)

Treneko jantziak erakusketa ikusgai da Tren Museoan

Uztarria.eus | 2002-04-05 : 19:04 | Besterik

Ehun urte baino gehiago igaro dira lehenengo uniformeak sortu zirenetik. Forma eta estetikaren aldakuntza handiak gora behera, uniforme zaharrak eta berriak tren-bazkunetako langileen eginkizuna ulertzeko bi modu desberdinen adierazgarri dira. XIX. mendeko bazkunek, orduko estatu-erakundeek bezalaxe, beren plantilak egituratzeko lagungarri gisa sortzen zituzten uniformeak. Horregatik jartzen zituzten hainbesteko arreta ikur eta ezaugarrietan, langile bakoitzaren eginkizunak hierarkian kokatzeko balio zutelako. XXI. mendearen atarian, ostera, trenetako langileen janzkien egileek bazterrera utzi dituzte horrelako bereizgarriak eta bazkunaren irudi eta identitatearen munduan sartuta daude ezinbestean. Bilakaera hau martxoaren 28a geroztik Trenaren Museoan ikusgai da Tren-langileen Uniformeen Bilduman.

 

Jostaldik datorren ostegunera atzeratu du ligako partida

Azpeitiko Areto Futbol Taldea | 2002-04-05 : 16:04 | Kirolak

Azpeitiko areto futbol taldeak ez du ligako partidarik jokatuko bihar etxean, izan ere, jardunaldi honetako aurkaria zen Makax talde donostiarrak eskatuta, hurrengo ostegunera atzeratu baitu. Norgehiagoka arratsaldeko 19.00etan hasiko da herriko kiroldegian.

Kulturaldia eta gero zer?

Uztarria Kultur Koordinadora | 2002-04-03 : 17:04 | Iritzia

Bukatu da Azpeitiko I. Kulturaldia, Uztarria Kultur Koordinadorako taldeek bat eginda antolatu duten hilabete kulturala. Hilabete horretan hainbat kultur ekitaldi sortu eta erakutsi dituzte herriko taldeek.

»» Erantzunak: 1 (Uztarria.eus)

Jasangarritasun Mentala

Aitor Aranguren (Udaleko Ingurumen batzordeburua.EA) | 2002-04-03 : 17:04 | Iritzia

Pozik gaude. 2002. urtean ZUHAITZAREN URTEA da Azpeitian. Hori ospatzeko ekitaldien hasera, ordea, zinegotzi hau harri eta zur begira zela Azpeitiko hirigunean Urola ibaiaren ibilguan Udaleko langileak zuhaitzak ebakitzen ari ziren goiz batekin hasi zen. Ez zuten bat bera ere utzi. Aurrez eskatua eta azaldua nuen Udalean, era guztietara, zuhaitz horiek bere horretan utz zitzaten nuen interesa; azken batean, ibaian berezko eboluzio naturala gertatzen uztea (garbiketa eta ebakitze selektiboak izan ezik). Horrez gain, behin baino gehiagotan eskatua nuen, gizarajoa ni, hainbat aktatan jaso zedila eskari hori, gertatu dena gerta ez zedin, hain zuzen ere. Baina dena alferrik. Haserre-sutan, nire kexa agertu nion Udaleko arduradunik gorenari eta berriro ere protesta hau aktan jasoarazten dut. Toki-administrazioan arazo endemikoa da ingurumenaren aldagaia euren egitura eta funtzionamenduaren baitan txertatu ezina.

»» Erantzunak: 1 (Uztarria.eus)

Jostaldik garaipena behar du larunbatean laugarren postua berreskuratzeko

Azpeitiko Areto Futbol Taldea | 2002-04-02 : 19:04 | Kirolak

Azpeitiko areto futbol taldeak partida garrantzitsua jokatuko du datorren larunbatean etxean, izan ere, bere aurkaria une honetan sailkapenean aurre hartzen dion Donostiako Makax taldea izango baita. Garaipena lortuz gero, Jostaldik laugarren tokia berreskuratuko luke. Huts eginez gero, aldiz, definitiboki –ez automatikoki– agur esango lioke Lehen Mailara igotzeko posibilitateari.

Azkoitia-Azpeitia maratoi erdiaren sailkapena

Uztarria.com | 2002-04-02 : 10:04 | Kirolak

Antolatzaileek eman berri digute iragan larunbatean ospatu zen Azkoitia-Azpeitia maratoi erdiko sailkapena. Albiste honetan, oso-osorik aurkituko duzue.
 

Eguerdian inauguratu da Diego Garciaren irudia

Uztarria.eus | 2002-03-30 : 18:03 | Kirolak

Gaur eguerdian Azkoitia eta Azpeitia bitartean, Loiolan, Diego Garciaren irudia inauguratu da. Inaugurazio ekitaldia 12:00etan hasi da, korrikalari ezagunak eta bere lagunak (Martin Fiz, Alberto Juzdado, Alejandro Gomez, Kamel Ziani eta Abel Anton besteak beste), senideen artean gurasoak eta anai-arreba, lagunak, Azpeiti eta Azkoitiko alkateak eta udaletxeetako ordezkariak eta herritar ugari izan dira ekitaldian.
 

Iosu Arregi eta Leire Altube izan ziren I. Mendi Biatloiko irabazleak

Patxi | 2002-03-27 : 18:03 | Kirolak

Aurten Loiolako jaietan lehenengoz ospatu zen I. Mendi Biatloian Iosu Arregi eta Leire Altube izan ziren garaile. Guztira 49 lagunek parte hartu zuten proban

 

Nuarbetarren Egunerako bazkari txartelak salgai

Nuarbeko Sokatira Taldea | 2002-03-27 : 17:03 | Taldeak

Nuarbeko Sokatira Taldearen 25. urteurrena dela-eta hainbat ekitaldi antolatu dira apirilaren 28rako. Tartean herri bazkaria.

Idazle azpeitiarrak ere badute beren tartea euskal literaturaren gune berrian

Uztarria.com | 2002-03-27 : 17:03 | Besterik

Atzo aurkeztu zuten Koldo Mitxelena liburutegian euskal literaturari buruzko webgune berria, www.egunkaria.com/literatura. Bertan ibili gara Uztarriakoak eta lan handirik gabe topatu ditugu zenbait idazle azpeitiar.

 

Uztarria.com-en inkesta eta eztabaida berriak

Uztarria.com | 2002-03-26 : 19:03 | Uztarriaeus

Apirilerako eztabaida eta inkesta berriak proposatzen ditu Uztarria.com-ek. Planteatutako gaien inguruan parte hartzera gonbidatzen ditugu webgune hau bisitatzen duten herritar guztiak.

Emaitzak: 28741 | Orriak: 1 2 3 4 ... 1425 1426 1427 1428 1429 1430 1431 1432 ... 1435 1436 1437 1438