Aktualitatea

Sokamuturra eta inauteriak 'XXIV. Juan Antxieta' argazki lehiaketan

Uztarria.eus | 2003-02-12 : 16:02 | Kultura

XXIV. Kutxa Juan Antxieta Argazki Lehiaketako oinarriak dagoeneko ezagutzera eman ditu Gipuzkoako Donostia Kutxak. Lehiaketak ohi bezala inauteri jaietako sokamuturra izango du gaia, eta inauteri giroa egokien jasotzen duen argazkia ere sarituko da.

Azpeitiko Uri Buru Batzarrak jada hartu du erabakia, Julian Eizmendi da hautagaia

Uztarria.eus | 2003-02-12 : 16:02 | Herria

Maiatzean egingo diren udal hauteskundeei begira, atzo egin zuen Azpeitiko Uri Buru Batzarrak EAJren alkategaia aukeratzeko batzarra. Eta Uztarriak aurreratu bezala, Julian Eizmendi izan da aukeratua.

 

»» Erantzunak: 40 (Uztarria.eus...)

Santo Tomas 2002 lehiaketako sariak banatu dira

Uztarria.eus | 2003-02-11 : 11:02 | Taldeak

Santo Tomas 2002 argazki lehiaketako sariak banatu ziren atzo Atxieta Etxean eta aurkeztutako argazki bildumekin osatutako erakusketa ere zabaldu zen. Koloretan eta zuri beltzean hiru argazkik osatutako hiruna bilduma saritu ziren. Koloretan Iñaki Etxenagusiaren, Joxe Ramon Larrañagaren eta Oihana Lopezen lanak saritu ziren eta zuri beltzean Josu Altzelairenak, Juan Mari Ibarzabalenak eta Iñaki Etxenagusiarenak. Helduen sariez gain, Irantzu Larrañaga Epeldek gaztetxoen saria jaso zuen.

 

Eskalatzeko bide gogorra

Uztarria.eus | 2003-02-10 : 17:02 | Herria

Larunbata, 09:30ak, bost lagun, lau azpeitiar eta Itziarko bat, furgonetan Etxaurirako bidean abiatu ziren. Eskalatzeko asmotan bostak. Bidean, ezusteko ederra hartu zuten, Guardia Zibilak gelditu baitzituen Ororbia herrian. Ordu eta erdiz izan zituzten geldituta, ustez Joseba Pagazaurtundua-ren hilketarekin zerikusia zutelakoan.

»» Erantzunak: 35 (Uztarria.eus...)

Kontzentrazioa izan da eguardian Joseba Pagazaurtunduaren hilketa dela eta

Uztarria.eus | 2003-02-10 : 15:02 | Herria

Joseba Pagazaurtunduaren hilketa dela eta, Azpeitiko Udaleko Alkateak, EAJ eta EAko zinegotziek deituta kontzentrazioa izan da Enparantza Nagusian.

 

»» Erantzunak: 62 (Uztarria.eus...)

Patxi Altunari buruzko liburuxka biografikoa dagoeneko salgai da

uztarria@uztarria.com | 2003-02-10 : 15:02 | Kultura

Larunbatean aurkeztu zen Patxi Altuna euskaltzain eta jesulagunaren biografia. Eta gaur arratsaldetik aurrera 7 eurotan salgai da herriko taberna eta dendetan.

 

»» Erantzunak: 1 (Uztarria.eus)

Enrike Zurutuzari eta Pilar Aizpitarteri elkarrizketa

Baite Euskara Elkartea | 2003-02-07 : 17:02 | Taldeak

Baite Euskara Elkarteak bere sorreran 2001eko udazkenean izendatu zituen lehen Ohorezko Bazkideak, Patxi Altuna eta Joxe Lizaso. Behin-behineko funtzionamendu baten ondoren Elkartearen sorrera ofiziala eta Batzar Nagusia, 2002ko udaberrian izan ziren ordea, eta aurten, otsailaren 15ean izango da bigarren ekitaldia, aurtengo Batzar Nagusia baino lehen. Enrike Zurutuza eta Pilar Aizpitarte (ez Pilar Arruti, Baite aldizkarian gaizki jarri dugun bezala; barkatu) izango dira Ohorezko Bazkideak.

 

»» Erantzunak: 2 (Uztarria.eus)

Azpeitia eginez Euskal Herria eraikitzen

Azpeitiko Sozialista Abertzaleak | 2003-02-07 : 16:02 | Herria

.2003. urteari ere hasiera eman diogu. Guztiok ere urte berrirako asmo berriak edo aurreko urteetan egin ahal izan ez ditugun asmo zaharrak berritzen ditugun egun hauetan, ohikoa izaten da jendearengana igarkizun liluragarriez gerturatzea. Ez da ba hori gure asmoa. Argi erakutsi digu urte hasi berriak igarkizunen gainetik errealitatea beti gailentzen dela. Jo dezagun ba urte zaharrak zer utzi dion urte berriari ikustera.

»» Erantzunak: 3 (Uztarria.eus)

Gorka Beobide azpeitiarra maitasun mezu laburren irabazle

Iban Arantzabal | 2003-02-07 : 13:02 | Besterik

Azpeitiarrok badakizue nonbait amodiozko gutunak idazten. Bergarako Jandun Elkarteak antolatutzen duen amodiozko gutunen lehiaketako irabazleak eta mezu elektronikoetan irabazi dutenen berri eman dute dagoeneko Sustatu albistegian. Gorka Beobide azpeitiarrak idatzitako mezua aukeratu dute amodiozko mezu labur onena.

»» Erantzunak: 6 (Uztarria.eus...)

Jose Mari Bastidak jada egin dio uko EAJko hautagai izateari

Uztarria.eus | 2003-02-06 : 19:02 | Herria

Uztarria herri aldizkariak martxoko zenbakian aurreratu bezala (gaur banatu da), Jose Mari Bastida gaur egungo alkatea ez da Azpeitiko EAJren zerrendaburua izango maiatzeko udal hauteskundeetarako, Bastidak berak jadanik erretiratu baitu EAJren alkategai izateko hautagaitza. Alkateak EAJren afiliatuei karta bidali die erabaki horren berri emanez —otsailaren 3ko datarekin; Uztarriak eskuratu du—, eta “minduta” agertu da Azpeitiko Uri Buru Batzarrarekin.

 

»» Erantzunak: 20 (Uztarria.eus...)

Baite-ren zuzenketa

Baite Euskara Elkartea | 2003-02-06 : 11:02 | Euskara

Baite Euskara Elkarteak hurrengo astean Ohorezko Bazkideak izendatzeko daukan ekitaldia dela eta, zuzenketa bat egin beharra du aldizkari argitaratu berrian egindako oker bategatik.

Uztarriak larunbatean aurkeztuko du Patxi Altunari buruzko biografia

Uztarria.eus | 2003-02-05 : 12:02 | Taldeak

Uztarria Azpeitiko Kultur Koordinadorak bere laugarren liburu biografikoa aurkeztuko du larunbat honetan, otsailaren 8an: Patxi Altuna azpeitiar euskaltzain oso eta jesulagunarena. Aitonenako hitzaldi aretoan izango da aurkezpena, 12:00etan hasita. Josune Etxeberriak idatzi du biografia. Hain zuzen ere, Patxi Altunaren ikasle ohia da Etxeberria.

 

Euskal kroslarien lehia Goenan

Uztarria.eus | 2003-02-05 : 12:02 | Kirolak

Kirol ekintza asko antolatu ohi ditu Ikasberri Kirol Elkarteak; eta atletismoan, krosak garrantzi handia du. Hala, otsailaren 9an, Euskadiko XXXIX. Kros Txapelketa egingo da Goenako kanpan, eta antolatzeko ardura Ikasberri Kirol Elkarteari eman dio federazioak.

 

»» Erantzunak: 7 (Uztarria.eus...)

Gero eta banderatxo gehiago ikusten dira herriko balkoietan

Euskal Presoak Euskal Herrira! Azpeitiko plataforma | 2003-02-04 : 11:02 | Herria

Balkoietan Euskal Presoak Euskal Herrira! banderatxoak jartzeko kanpaina martxan dago.

»» Erantzunak: 33 (Uztarria.eus...)

Bertsotan, paperean eta lehian

Uztarria.eus | 2003-02-03 : 09:02 | Taldeak

Erniarraitz Bertsozale Elkarteak lanean dihardu. Ez da gelditzen, ez horixe! Orain gutxi bukatu da Erniarraitzek antolatutako 2002ko Bertso Parranda arrakastatsua. Partehartzaile aldetik garrantzitsua, entzule aldetik bikaina eta bertso bapo askoak entzuteko parada eman duena. Orain berriz, 2001ean ekin zion ekimen batekin datoz bertsozaleak. Alegia, Erniarraitz II. Bertso Paper Lehiaketa antolatu dute. Lehen bertso paper lehiaketan Erniarraitzekoak “bi urtean behin” antolatzeko asmoa erakutsi zuten, eta halaxe egin dute.

Aitor Aranak irabazi du haur eta gazte literaturako Baporea saria

Uztarria.eus | 2003-01-31 : 15:01 | Kultura

Aitor Aranak, Urrestillan bizi den idazle legazpiarrak, haur eta gazte literaturako Baporea saria irabazi du. Aitorrek Azken gurasoak narrazio lana aurkeztu zuen lehiaketara, eta epaimahaiak aho batez hartu zuen erabakia.

Segabathor taldeak Gazte Leiho lehiaketako lehen saria eskuratu du, heavy atalean

Uztarria.eus | 2003-01-31 : 14:01 | Kultura

Gure Irratiak hirugarrenez antolatu du Gazte Leiho lehiaketa. Eta oraingo honetan bai, Segabathor taldeak, heavy-rock atalean, lehen saria eskuratu du. Lehen edizioan, 2000. urtean, hirugarren saria eskuratu zuen.

Astelehenean ez da berogailurik eta ur berorik egongo igerilekuan

Uztarria.eus | 2003-01-31 : 12:01 | Kirolak

Udal Kirol Patronatuak jakinarazi duenez astelehenean, otsailaren 3an, ez da ur berorik eta berogailurik egongo udal igerilekuan.

Oraindik ez da ziurra Azpeitian EAJ-EA koalizioa egingo denik

Uztarria.eus | 2003-01-30 : 18:01 | Udala

EAJko eta EAko zuzendaritzek gaur prentsaurrean esan dutenez, bi alderdiek akordio zabala lortu dute Arabako, Bizkaiko, Gipuzkoako eta Nafarroako maiatzeko udal hauteskundeetarako —"biztanleriaren %90 harrapatzen duena"— eta, akordioaren arabera, zerrenda bateratuak aurkeztuko dituzte 123 herritan. Azpeitiko kasua ez dago erabat baieztatua.

»» Erantzunak: 64 (Uztarria.eus...)

Goizean Danonako bidegurutzean izandako auto istripuan herriko gizonezkoa zendu da

Uztarria.eus | 2003-01-30 : 12:01 | Herria

Goizean Danonako bidegurutzean izandako istripuan I.A.A., 69 urteko herritarra, hil da berak gidatzen zuen autoa eta kamioi baten arteko talkaren ondorioz.

»» Erantzunak: 16 (Uztarria.eus...)

Emaitzak: 27033 | Orriak: 1 2 3 4 ... 1321 1322 1323 1324 1325 1326 1327 1328 ... 1349 1350 1351 1352