Olentzero ere etorri zen Izarraitz pilotalekuko Munduko Gabonak jaialdira atzo (abenduak 23), baita Bizar Zuri eta erregeak ere. Pertsonaiak, Emakumeen Antzerki Tailerreko emakumeek antzeztu zituzten. Udal Musika Banda, Izarraitz Txistulari Taldea, Juan Antxieta Musika Eskola, Julian Barrenetxea Abesbatza eta Dantza Suelto Taldeak ere parte hartu zuten jaialdian. Izarraitzeko harmaila denak bete ziren eta han bildutako dirua Azpeitiko Caritas taldeari emango diote.
Olentzero, Munduko Gabonak jaialdian
2005ko abe. 24a, 10:18
