Aurrera doaz Esklabak-Iturtzulo eremuko babestutako etxebizitzen obrak, eta bihar, osteguna, zimentazio losa hormigonatuko dute. Udalak adierazi duenez, 06:00 aldera hasiko dira lanean, ohi baino lehenago.
Hormigonatze lan horiek egun osoan zehar egingo dituzte, eta lanek auzotarrei eragin diezaizkien eragozpenak direla eta, aurrez "barkamena" eskatu du erakundeak. Izan ere, zimentazio losa hormigonatzeko bi bonba ezarriko dituzte; bata obren eremuan, eta bestea, Iñaki Azpiazu kalean. Hori dela eta, inguru horretako hainbat aparkaleku kendu egingo dituzte. Horrez gain, kamioien joan-etorriak auzoan trafiko arazoak sor ditzakeela ere nabarmendu du udalak.