Ordua aldatuko da igande goizaldean

Uztarria.eus | Gizartea
2020ko mar. 27a, 14:17

Bihartik igandera bitarteko gauean egingo dute aldaketa; 02:00etan 03:00ak izango dira. Aurrerantzean, beranduago argitu eta beranduago ilunduko du. 

2020ko lehen ordu aldaketa egingo dute asteburuan. Hain zuzen ere, bihartik igandera bitarteko gauean egingo dute aldaketa. Zehazki, igandeko –martxoak 29– 02:00etan 03:00ak izango dira; beraz, ordubete gutxiago izango du egun horrek. Hori horrela, denbora gutxiago izango dute herritarrek atseden hartzeko igandean, baina aurtengoan, konfinamendua tarteko, murrizketak ez du halako eraginik eragingo herritar gehienen artean.

Igandetik aurrera, udako ordutegia izango da indarrean. Eguzki orduak gehiago aprobetxako helburuarekin egiten da ordu aldaketa; izan ere, beranduago argitu eta beranduago ilunduko du aurrerantzean. Modu horretan, energia aurrezten dela diote ikerketek. 

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu