Kaleko garbiketa eta desinfekzio lanak indartu dituzte

Uztarria.eus | Udala
2020ko mar. 24a, 18:45

Koronabirusak eragindako larrialdi egoerak dirauen bitartean "arrisku handieneko" gune publikoak "egunero desinfektatuko" dituela jakinarazi du udalak.

Udal langile bat hondakinen edukiontziak garbitzen. (Azpeitiko Udala)  Argazki originala

Kaleak, denda inguruak, anbulatorio aurrea, autobus geltokiak, aulkiak, pasabideak eta, bereziki, barandak eta hondakinen edukiontziak. Horiek izendatu ditu Azpeitiko Udalak "arrisku handieneko eremu", eta horietan indartu ditu garbiketa eta desinfekzio lanak. Hain zuzen ere, "egunero desinfektatuko" dituzte udal langileek espazio horiek, hipokloritoa erabilita, koronabirusak eragindako larrialdi egoerak dirauen bitartean.

Lan horiek egiteko, kale garbitzaileei brigadako langileak gehituko zaizkiela jakinarazi du udalak. "Koronabirusari ahalik eta modurik eraginkorrenean aurre egitea da udalak momentu honetan duen lehentasun nagusia. Baliabide guztiak horretara bideratuta ditugu eta lehentasuna espazio publikoen garbiketa eta desinfekzio jarraitua egitea da; eta horretan ari gara. Higienea eta garbiketa ezinbestekoa da pandemia honi aurre egiteko, eta kaleak egunero desinfektatzen ari gara", adierazi du Josu Labaka Zerbitzu Orokorretako zinegotziak.

Informazio gehiago

Bidali:  

Erantzunak

OlatzG | 2020-03-24 : 21:02

Azpeitian bizita, udala marketing kanpainan sartua dagoelaren sentsazioa daukat. Izan ere.... zertarako demontre balio dute honelako ekimenek, gure sema alaba, guraso edota senar-emazteak lanera joatera kondenatuta ditugunean? Eta etxera itzultzean zer? Gure herriko barianteko joan etorria ikusi besterik ez dago honetaz jabetzeko.
Udalak agian ez du eskumen haundirik guztian, baina nik dakidala ez dira herriko lantegietatik pasa langileen egoera ikustera, hauek salatu edota enpresariei erantzunkizunak eskatzera. Eta beren eskumenekoak diren lanetan? Loiolako bide zaharretik pasatzen naiz egunero lanera bidean eta han zeuden gaur ere, 5 edo 6 langile, inolako babes neurririk gabe, lurra arrotzen, eta honela herriko gainontzeko obretan ere. Jakin nahiko nuke honela zenbat alperrikako langile jartzen diren arriskuan egunero, udalaren erantzunkizunez.
Munizipal, ertzain eta balkoietako epaile andana herritar xumeak jazartzen, egunerokotasunean egin beharreko hainbat kontu egiteari uzten beldurtuta daudelako justifikante formalik ezean. Kasu oso larriak tarteko. Estatu poliziala herrian, txibatoak bazter guztietan, isteriak justifikatuta eta ehundaka langile lantokietan gaixotzera kondenatzen ditugun bitartean, ankerkeri guztia normalizatuz. Kapitalismo gordina, instituzioetako alderdi "aurrerakoien" konpromezuaren kanpainari itzal egiten.
Portzierto, bolondresak etorkinei deitzen ibili izana koronabirusaren berri emateko zinegotzi guztiek txiokatzeak erakusten du propaganda hutsean dagoela oinarria: etorkinak ez dira atzeratuak, eta zuek aurreikusitako laguntzek erantzungo ez dieten langile prekarioak dira gehienak, papel eta kontraturik gabe, alokairuan eta aglomerazioekin.
Nahiko baliabide dituzue, momentu latz hauetan, bolondresak erabiltzeari utzi "herri solidarioa" garela erakusteko eta lan duin eta ordaindua eskeintzeko hainbat herritarrei, erantzun eraginkor bat emateko. Instituzioetatik bultzatutako bolutariotza akritikoak hitza bera prostituitzea baitdakar, benetako lan bolondres konprometitua itzaltzeko baliogarria izan ohi dena beti. Eusko jaurlaritzak berdina egin du.

Margolaria | 2020-03-25 : 07:08

Olatz :ez zaitut ezagutzen pero olé tu.arrazoi guztie dezu

Margolaria | 2020-03-25 : 14:06

Txalo haundi bat zaintzale guztiei.horiek bai pertsonak beharrezkoak egun hauetan.

Tx | 2020-03-25 : 14:49

Egun hauetan bakarrik ez, beti, ez daukagunean ikusten da zein bearrezkoak diren gauzak. Irakasle, sanitario...

Margolaria | 2020-03-26 : 08:30

Egoitza batzuetan zaintzaileek erabaki dute barruan geratzea ta bertan bizi.zaintzaileek bikote ta familia daukabe ta batzuk lanien daude ta hori oso arriskutsua egun hauetan. Hori esan nahi nun.noski baietz pertsona guztiek garrantzitzuak gea

Marta79 | 2020-03-27 : 11:45

Sekulako harria erori zaigu gainera. Horrelakorik ez zuen iñork ez espero ez imaginatzen (Jose Saramago izan zen bakarra imaginatzen. A ze beldurra sentitu nuen "Ensayo sobre la ceguera irakurri nuenean"). Ta orain zer eta errealitatea.

Arazoa haundi geratu zaigu denori. Ez dakigu zer egin behar den horrelako kasu batean eta horrek sekulako egoneziña sortzen digu. Orduan barruko beneno guztia askatzeko (beneno oso kutsatua), hor gabiltz dana kritikatu ta kritikatu: aportazio gutxi, dana kritika hutsa. Azkar esaten dugu besteek zer egin behar duten edo gobernuaren akats denak. Aldiz, benetan kostatze zaigu kuestionatzea geure burua.

Ikusita zer nolako arazoa den, batez ere osasunean baina baita ekonomikoan ere eta azken hau ere oso kontuan eduki beharrekoa dela deritzot, ze tristea da baño dirurik gabe ezer gutxi dago egiterik, zergaitik ez planteatu soldaten bajaera erdira, kuarentena iraungo duen bitartean? Denen soldata jaitsi eta diru horrekin autonomoei lagundu, enpresak itxi eta horko langileei ordaindu, etab. Horrela denok egin ahalko dugu berrogeialdia.

Ze aspertuta nago dena gobernuak egin behar duela entzuten baina diru publikorik apenas dagoen, beraz zer? Mirariak Lourdesen ta nik fede gutxi izan hortan.

OlatzG | 2020-03-27 : 19:24

Jo Marta, zure soluzioekin behintzat ez diot etorkizun onik ikusten beti kolpatuak garenontzat.
Zergaitik ez exijitu herriko langileen lanaren ondorioz urte guzti hauetan diruuutzak atera dituzten enpresari guzti horiei aipatzen duzun esfortzua? Zenbat fakturatu dute, oraindik langileak kutxatzeko arrisku larriz beren aktibitatea moztu ez duten horiek (kasu askotan behintzat) esaterako Glual, Biele, Sarralle, Piensos Bastida eta beste hainbat enpresek?
Gure gazte garaietan espropiazio eta langileek lantegietako kontrola hartzeko terminoetan hitz egiten genuen. kaduzitate data zuen ongizateak aplatanatu gintuen. Garai latz eta gordinak aurreikusi daitezke, imagina ezinak. Agian, amets zaharrak eguneratzen hasteko garaia iritsi zaigu.

Ane | 2020-03-28 : 12:53

Gure etxepe eta instalazio komunitarioetan ere izan gaitezen arduratsuak.

Goikoak bi lagun gonbidatu ditu bazkaltzera, etxe desberdiñetako umeak goiko terrazan eta garajean jolasean gurasoak elkarren ondoan metro bat baño gutxiagora tertulian dauden bitartean... Edozein etxepetan ikusten diren jarrerak egun hauetan.

Hemnetxeaituk | 2020-03-28 : 15:07

Jode,bejondeizula Marta,politikuek ez kritikau ta gure burua kuestionau,ta guk langillik soldatak erdira jatxi...benetan polikari izateko perfil bikaina daukezu,faborez!!!

Tx | 2020-03-29 : 09:01

Ta umikin enkarguta ertetzie badaola ta, 4 umekin 4 aldiz erten. Bitartin ahatak ikusi ta..., Ba lasai bueltatxo bat ta etxea, ta danak iguala ingo bagendu? Danok kalin topo ingo genduke.
Hori bai era ordenau ta antolau baten ertetzie ondo eongo litzeke umikin. Baino nola eztiyoun ezerri kasoik iten, garajetan, enkargutan, beste danak baino listuo gealakun o, ba oin neurriyek goortu.
Si no quieres caldo toma siete tazas

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu