Ertzaintzak kontrol gehiago ezarriko ditu datozen egunetan errepideetan

Uztarria.eus | Gizartea
2020ko mar. 18a, 09:36

Beharrezkoak ez diren bidaiak eragotzi nahi ditu Ertzaintzak. Biharko jaiegunaren harira, bigarren etxebizitzetara joatea debekatuta dagoela gogorarazi dute. Autoan banaka joatea gomendatzen dute.

Ertzaintzak jakinarazi du datozen egunetan kontrol gehiago ezarriko dituela errepideetan. Horrela, beharrezkoak ez diren bidaiak eragotzi nahi ditu. Biharko –martxoak 19– jaiegunaren harira eta egunotan jendeak zubia duela kontuan hartuta, Ertzaintzak gogorarazi du debekatuta dagoela bigarren etxebizitzetara mugitzea; ohiko etxebizitzetan egin beharko dute konfinamendua herritarrek. 

Autoa lanera joateko edo lehentasunezko beharrei aurre egiteko soilik har daiteke; ez aisialdiko ekintzak gauzatzeko. Hori horrela dela baieztatzeko, Ertzaintzak eta Udaltzaingoak kontrolak ezarriko dituzte errepideetan eta garraio kolektiboaren geltokietan. 

Koronabirusak eragindako alarma egoera dela eta, Ertzaintzak errepideak edo haien zenbait zati itxi ahal izango ditu osasun publikoa bermatzeko. Gainera, gidariei lekualdaketaren arrazoia galdetu ahal izango diete ertzainek, eta hori hala dela ziurtatu beharko du gidariak. 

Autoan pertsonak banaka ibiltzea gomendatzen du Ertzaintzak. Ibilgailuan beste pertsona bat sartzen baldin bada, pertsona horrek autoaren atzeko eta eskuineko eserlekuan joan beharko du; modu horretan, segurtasun distantzia errespetatuko da.

Informazio gehiago

Bidali:  

Erantzunak

Txarlot | 2020-03-18 : 11:22

Entzun nuen txakurra pasiera ateratzea posible zela; egia izango da...

JON | 2020-03-18 : 14:57

Izena ondo pegatzeik.

Txermena | 2020-03-18 : 20:13

Eskerrikasko biotzez egiten hari zeaten lanagatik ❤️

Tx | 2020-03-18 : 22:11

Merezita multak jasotzen ai dinak, o danak etxin o bestela pagau latz. Oin hori bai diru hori covid 19 aurka ibiliko balitz hobe.
Ta dana geau 2 hilabetin, baita fakturake.

jesuita | 2020-03-18 : 23:38

Osasun publikoa babesteko lana egin behar dute Ertzainek eta kalean multak jartzea... ondo iruditze zait.
Baina gaur egun arrisku handiena eta arauak betetze ez diren lekuak enpresak dira. Ez dut ikusi oraindik patrularik enpresen babes neurriak baloratzen.

Hemnetxeaituk | 2020-03-18 : 23:46

Eskerrikasko? Nahikuiau Hi,Beayen lana eiten aidituk,ni más ni menos,ta kaso batzutan potruk ikutzen

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu