Unibertsitatera sartzeko hautaproba atzeratu egingo dute

Uztarria.eus | Hezkuntza
2020ko mar. 17a, 18:49

Ekainaren 19an ziren egitekoak. Ez dute esan noiz egingo den; larrialdi egoerak eta aurrez aurreko eskolen etenaldiak noiz arte iraungo duten, horren arabera erabakiko dute.

Selektibitate probako irudi bat. (EITB)  Ikusi haundiago | Argazki originala

Unibertsitatera sartzeko hautaproba atzeratzea erabaki dute gaur, asteartea, Espainiako Hezkuntza eta Lanbide Heziketa nahiz Unibertsitate ministeritzek eta erkidegoetako ordezkariek. Ekainaren 19an zen egitekoa, eta ez dute esan noiz egingo duten: larrialdi egoerak eta aurrez aurreko eskolen etenaldiak noiz arte iraungo duten, horren arabera erabakiko dute.

Espainiako Hezkuntza idazkari Alejandro Tianak esan du probak "berdintasun eta justizia" irizpideekin egingo dituztela, "kontuan hartuta ezohiko egoera". Hezkuntza Ministerioak adierazi du inork ez duela "ikasturtea galduko" aurrez aurreko eskolak bertan behera geratu izanagatik.

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu