Azpeiti-Azkoitiko Ro musika taldeak Athalase diskoa kaleratuko du martxoaren 27an. Iker Amenabar –baxua– azpeitiarrak eta Gorka Alcalde -gitarra-, Josu Usobiaga –bateria–, Iñigo Gonzalez –gitarra– eta Mikel Iraeta –teklatua– azkoitiarrek osatzen dute Ro, eta rock instrumentala eta post rock musika sortzen dute. 2018ko ekainean hasi zuten musika taldearen ibilbidea, Ilhunbean esan-eginak lanarekin. Orain, disko berria aurkeztear dira.
Bost abesti jasoko ditu Athalase diskoak: Jaitera, Anima, Athelas, Erio eta Aierkünte. Eñaut Gaztañagaren Gaztain Studioan grabatu dute disko berria Ro taldeko musikariek, eta aurrerapen gisa honako bideo hau kaleratu dute: