Prebentzio neurriak betetzeko eta etxean gelditzeko deia egin du udalak

Uztarria.eus | Gizartea
2020ko mar. 15a, 14:16

Koronabirusaren pandemiaren aurrean, prebentzio neurririk zorrotzenak aplikatzen ari da Azpeitiko Udala. Erakundeak jakin ahal izan duenez, oraindik ez dago koronabirus kasurik Azpeitian. Herriko saltokiek-eta izango dituzten eragin ekonomikoei aurre egiteko neurriak aztertzen ari da Nagore Alkorta alkatea.

Herritarrei etxean gelditzeko eskatzen ari zaie Udaltzaingoa.  Ikusi haundiago | Argazki originala

Koronabirusaren pandemiaren aurrean, neurri berriak ezarri zituzten atzo Eusko Jaurlaritzak eta Espainiako Gobernuak. Azpeitiko Udalak ez du jaso ofizialki bete beharreko neurrien berri, oraindik. Eta bi erakundeek hartutako neurriak bat egiten ez badute ere, atzotik, prebentzio neurri zorrotzenak aplikatzen ari da udala. Saltoki, taberna, elkarte gastronomiko, gazte lokal eta bestelakoei, gaurtik aurrera itxita egon behar dutela jakinarazten ari da.

Gainera, Udaltzaingoa nahiz Ertzaintza herrian barrena ibili dira autoz, herritarrei beren etxeetatik ez ateratzeko esanez. Izan ere, goiz eta eguerdi partean multzo handietan ez, baina herritar batzuk ikus zitezkeen kalean: batzuk beharrezko erosketak egitera aterata ziren; besteak, berriz, paseora. Kafetegiren batera edo bestera ere joan da bai Ertzaintza, bai Udaltzaingoa, kanpoko aulkiak eta mahaiak jasotzeko eta gunea ixteko esatera.

Agindutako neurriak betetzen ez dituenak zigorrak jaso ditzake: zehazki, desobedientzia delitu batengatik, ehun euroko isun batetik hiru urteko espetxe zigorrera arteko zigorrak jaso ditzakete herritarrek; eta agintaritzaren aurkako atentatuagatik, lau urteko kartzelaldia ezar dezake justiziak.

"Atzo, mezu ezberdinak zabaldu ziren goi mailako erakundeetatik. Baina guk Osasun Sailarekin harreman zuzena daukagu, eta beraien gomendioak jarraituz ari gara neurriak aplikatzen herrian", adierazi du udalak. Erakunde horrek jakin ahal izan duenez, oraindik ez dago koronabirus kasurik Azpeitian. Hala ere, egoera oso aldakorra eta ezegonkorra dela azpimarratu nahi izan du udalak, eta bihar izango dituztela datu eguneratuak.

Norbera babestu, besteak babestu

Etxean egon eta norbera babesteko neurriak hartzeko eskatzen die udalak herritarrei; "norbera babestuz, gainontzeko herritarrak babesten" direlako. "Ezohiko egoerai ezohiko erantzunak" eman beharrean aurkitzen da udala, eta Osasun Saileko profesionalekin elkarlanean nahiz haiek adierazitako prebentzio neurriei jarraituz, herritarren beharrei erantzuteko neurriak hartzen ere ari dela azaldu du erakundeak.

Nagore Alkorta Azpeitiko alkatearen hitzetan, arrisku talderik handiena adinekoena denez, haiekin dute kezka nagusia: "Uneotan arreta zerbitzua antolatuta daukagu eta lanean ari da". Alkateak gaineratu du edozein herritarrek ere erabil dezakela zerbitzua, "zalantzarik edo behar berezirik" izanez gero.

Azken prebentzio neurriek izan dezaketen eragin ekonomikoez ere kezka agertu du Alkortak: "Prebentzio neurri gogor hauen aurrean zer baliabide eskain ditzakegun aztertzen ari gara". Hain justu, herriko saltokiek-eta izango dituzten eragin ekonomikoei aurre egiteko neurriak aztertzen ari da Alkorta.

Alkortak eskerrak eman nahi izan dizkie herritarrei egoera konplexu honetan erakusten ari diren "jarrera arduratsua eta eredugarriagatik".

Informazio gehiago

Bidali:  

Erantzunak

usai | 2020-03-15 : 15:54

Hain justu, herriko saltokiek-eta izango dituzten eragin ekonomikoei aurre egiteko neurriak aztertzen ari da Alkorta... faborez, ridikuluek ez dauke etenik.

gerturatueta4 | 2020-03-15 : 16:06

Urrutiko intxaurrak hamalau!

Anonimoen bidez dana kakazteko jardunak bai ez duela etenik! Nor dago honen atzean?

Hori bai ekarpen positiboa bizi degun egoerarako.

usai | 2020-03-15 : 16:15

bai, zuk egiten duzunaren bezalakoxea.
Zentzurarik ez eta kritika beste batzuei egiten zaioenean soilik interbenitzen duten zentsore moderno anonimoek beren burua identifikatuta idatzi dezatela.

Betikue | 2020-03-15 : 17:27

Gerturatueta4, ze esatek/n anonimio ta hostiyek? Izen abizenak behar dittuk? Iriek ez dizkit ba ikusten. Ez bazaik/n gustatzen, badakik/n nun dogoen irteera....

Betikue | 2020-03-15 : 17:31

....bestalde, gaur goizean loiolako bidien zebiltzen majina bat jubilatuei, ziklista paso de todo hoiei eta noski, txakurrak kaka eitteko 2 ordu behar dituzten iluminatu haue denei: Eskerrik asko...

Erdoizta | 2020-03-15 : 18:50

Zezenik ezaldao aste hontan Azpeitin?

Betikue | 2020-03-15 : 18:55

Erdoizta idolo! Jajajajak!

dartagnan1673 | 2020-03-15 : 19:32

Noski, orain jubilatu bat beste edonorekiko 30 metroetara aireatzera ateratzen bada, edota txakur estreƱido baten jabe "iluminatuak" "behar" baina denbora gehiago egiten badu kalean bakarrik, kritikak eta esker ironikoak jaso behar ditu.
Emaskulatutako zakur humillatu hostiagarrien jabeak zaretenak, manifestazioetan pasea itzazue zeuen maskotak, kritika eta esker zorrotzik jaso nahi ez badituzue.

OrtegaSmithenekue | 2020-03-15 : 21:54

Ejum ejum ejum!!
Atxis!

borono | 2020-03-15 : 22:20

Urkulluri podere danak kendu dizkio Pedro Sanchezek eta gobernu autonomikoa suspendiu baino Azpeitiyen oindik alkatien esanak betetzen ditugu... hau katxondeue! lotsaik ez dago.

MadalenakoKatue | 2020-03-15 : 23:08

Panoramie daon bezela, etxetik ezin dala atea, alkilau eite naiz batenbatek pasira atea nazan!

dartagnan1673 | 2020-03-16 : 00:31

MadalenakoKatue, ya bakunauta altzatoz ordie? Hala baldin bada...hitzeinleikeu...bestela eztaket Kinder sorpresa bat irabazteko gogo gehiegiken.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu