'El Escandalo' eta 'Toy Story 4' filmak emango dituzte asteburuan

Uztarria.eus | Kultura
2020ko mar. 5a, 08:13

El Escandalo eta Toy Story 4 filmak emango dituzte asteburuan Soreasu antzokian. El Escandaloren hiru emanaldi eskainiko dituzte: zapatuan (22:00), igandean (19:30) eta astelehenean (21:00). Toy Story 4, berriz, igandean ikusi ahal izango da, 16:30ean hasita. Emanaldietarako sarrerak Kulturaz.eus webgunean eros daitezke aurrez, baina emanaldien egunetan salgai jarriko dituzte Soreasuko leihatilan.

Drama Jay Roach da 2019an AEBetan ekoiztutako El Escandalo lanaren zuzendaria. Honako hau da sinopsia: "Kayla kazetari gaztea Fox News telebista katean hasi berri da lanean, eta bere kazetaritza lerroarekin bat datorren istorio bat zer den ikasten ari da. Laster konturatuko da katean oso ondo moldatuko litzatekeela, eta Ailesjaunarekin, Fox-eko presidentearekin, hitz egingo du. Hark kameren aurrean jar dezakeela esan dio, baina horretarako leiala dela ziurtatu behar duela. Hori dela eta, Kayla zer egin pentsatzen ari da. Megyn Kelly Fox Newsen aurkezlea da, eta oso ongi daki jokoak nola funtzionatzen duen: kate batek egun osoan zehar transmititzeko erakarpen motaren bat izan behar du. Hori dela eta, soineko estu eta motzak dituzten emakumeak dira agertzen direnak, normalean kaukasikoak eta ilehoriak. Fox News-eko aurkezlea da Gretchen Carlson, eta hark lankide baten komentario matxistak jasan behar izaten ditu. Salatzeko prest dago, baina emakume gehiago behar ditu babesa jasotzeko. Lortuko ote du?".

Toy Story 4, berriz, Josh Cooleyk zuzendutako animaziozko filma da. Honako hau da lanaren sinopsia: "Woodyk beti jakin izan du zein de bere lekua munduan, eta bere lehentasuna beti izango da bere jabea zaintzea, Bonnie izan edo Andy izan. Bonniek, ordea, bere logelara jostailu bihurtutako Forky izeneko lagun berria ekarri du, eta abentura berri bat hasiko da lagun zaharrekin eta berriekin. Woodyk, jostailu bat izanik, mundua zein handia izan daitekeen ikasiko du".

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu