Orduz aldatu dute Astelehen Karnabaleko mozorro lehiaketaren sari banaketa

Uztarria.eus | Festak
2020ko ots. 15a, 11:18

Aurreko urteetan baino ordu eta laurden lehenago egingo dute: 00:15ean. Sari banaketa udaletxean egingo dute, eta formatu bera izango du ekitaldiak. Guztira, zazpi sari banatuko dituzte: banakakoak, taldekakoak eta karnabal giro onena duen tabernarena.

Iazko taldekako lehen saria jaso zuten kideak.  Ikusi haundiago | Argazki originala

Aurten ere izango da mozorro lehiaketa Astelehen Karnabal gauean, baina sari banaketa ekitaldia aurreratzea erabaki du udalak. Hain zuzen ere, aurreko urteetan baino ordu eta laurden lehenago egingo dute: 00:15ean. Iaz arte 01:30ean egin zuten sari banaketa udaletxean, eta formatua bera izango da, baina orduz aldatuko dute aurtengoan.

Guztira zazpi sari banatuko dituzte: banakakoak, taldekakoak eta karnabal giro onena duen tabernarena. Banakako sarietan lehenak 200 euro jasoko ditu; 150 euro bigarrenak; eta bi afari hirugarrenak. Taldekakoan, berriz, 800 euro, 700 euro, 500 euro eta afariak banatuko dituzte lehen, bigarren, hirugarren eta laugarren sailkatuen artean, hurrenez hurren. Karnabal giroa ondoen isladatzen duen tabernako kideek, berriz, sari berezia eskuratuko dute.

Informazio gehiago

Bidali:  

Erantzunak

AbaskalenekoXanti | 2020-02-15 : 13:14

Ta hurrengo urtin ze 11tan? Udaletxekuk parrandie luzatzeatik iteitubenak...

jesse-james | 2020-02-15 : 14:13

Badakik xanti, AZTE manda

Txakurzarra | 2020-02-15 : 16:02

Xanti herri honetan dena aldrebes egiten diabe, aurreko astean kaleak beteta eta 4retan itxi tabernak. Aste honetan kaldereroez aparte 4 katu izango dituk kalean eta 5ak arte luzatzen diabe.

Spirit82 | atzo : 10:35

Ba niri oso ondo iruditzen zait aurtengo sari banaketaren ordua. Oso berandu iruditzen zitzaiten beste urteetako ordua.

AbaskalenekoXanti, ez dut uste parranda luzatzeagaitik izan denik, jendearen eskaera betetzearren baizik, urtetik urtera kexa gehiago bait zeuden orduarekin.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu