Urrezko Aizkolarien Binakako Txapelketaren finalean izango da Mikel Larrañaga

Uztarria.eus | Kirolak
2020ko ots. 9a, 18:15

Jon Rekondorekin batera, gaur lortu du txartela, Beasainen Ruben Saralegiren eta Eneko Otañoren kontrako saioan nagusituta. Azpeitian jokatuko da txapelketaren finala, martxoaren 7an.

Mikel Larrañaga.  Ikusi haundiago | Argazki originala

Urrezko Aizkolarien Binakako Txapelketaren finalerako hirugarren eta azken txartela lortu dute gaur Mikel Larrañaga azpeitiarrak eta Jon Rekondo leitzarrak. Beasainen jokatu dute sailkapen fasearen seigarren eta azken jardunaldia, Ruben Saralegiren eta Eneko Otañoren kontra. Gaurkoa irabazten zuen bikotearentzat izango zen finalerako pasea, eta Larrañaga eta Rekondo nagusitu dira azkenean, lehia estuaren ondoren.

Azpeitian, Izarraitz pilotalekuan, jokatuko da txapelketaren finala, martxoaren 7an. Hiru bikotek neurtuko dituzte indarrak bertan: gaur sailkatu diren Larrañagak eta Rekondok, Iker Vicentek eta Jesus Mari Mujikak, eta Julen Alberdi Txikia IV.ak eta Ugaitz Mugertza Mugertza II.ak.

Bidali:  

Erantzunak

Erabiltzailearen aurpegia da hau JLarranaga | 2020-02-10 : 09:19

Hola, ederraskoa izango da finala ta gaiñera Izarraizko frontoian. Fetxa apuntatuko det akordarazteko baiño seguru etzaitela ahazten halako espektakuloa, eskarrikasko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu