Rina Cabezak transexualitateari buruzko hitzaldia eskainiko du bihar Emakumeen Txokoan

Uztarria.eus | Gizartea
2020ko ots. 4a, 13:49

18:30ean hasiko da Sexualitateak: bizipen transexualei begirada bat izenburupean azkoitiarrak eskainiko duen solasaldia. Besteak beste, transexualitateak Euskal Herrian nahiz Espainian bizi duen egoera, transexualitate prozesuen nondik norakoak nahiz legedia izango ditu hizpide Cabezak, berez bizipenetatik abiatuta.

Rina Cabeza iazko maiatzean ateratako argazkian. (Urola Kostako Hitza)  Ikusi haundiago | Argazki originala

Rina Cabeza azkoitiarrak transexualitateari buruzko hitzaldia eskainiko du bihar, asteazkena, Emakumeen Txokoan. 18:30ean hasiko da Sexualitateak: bizipen transexualei begirada bat izenburupean eskainiko duen solasaldia, eta besteak beste, transexualitateak Euskal Herrian nahiz Espainian bizi duen egoera, transexualitate prozesuen nondik norakoak nahiz legedia izango ditu hizpide Cabezak. Bere bizipenetatik abiatuta, kontakizun pertsonala eskainiko du azkoitiarrak.

Joan zen maiatzean Cabezari elkarrizketa egin zion Urola Kostako Hitza egunkariak. Cabezak 13 urterekin esan zuen lehenengoz neska izan nahi zuela, eta haren arabera, "izugarrizko askapena" izan zen benetan nor zen esatea. 15 urterekin, berriz, hormonak hartzeko prozesua hasi zuen. Honako lotura honetan irakur daiteke Hitzak azkoitiarrari egindako elkarrizketa osoa.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu