San Martin egoitzako langileen egoeraren inguruko mozioa aztertuko dute gaurko udalbatzarrean

Uztarria.eus | Udala
2020ko ots. 4a, 10:29

19:00etan egingo dute bilkura, udaletxeko areto nagusian, eta mozioaz gain, besteak beste, Aranzadiren eta Azpeitiko Udalaren arteko lankidetza hitzarmena izango dute hizpide, baita udaleko eta haren erakundeetako langileen ordainsarien igoera ere.

Gaur, otsailaren 4a, hileko ohiko udalbatzarra egingo dute udal ordezkariek. 19:00etan hasiko da bilkura, udaletxeko areto nagusian, eta besteak beste, Aranzadiren eta udalaren arteko lankidetza hitzarmena nahiz San Martin adinekoen egoitzako langileen egoeraren inguruko mozioa izango dituzte hizpide.

Honako hau da biharko udalbatzarrean landuko dituzten gaien zerrenda:

1.- Udalbatzak 2020ko urtarrilaren 14an egindako bilkuraren akta onartzea.

2.- Azpeitiko Udalaren eta bere erakunde autonomiadunen eta Azpeitia Berritzen SAren langileei ezarri beharreko ordainsarien igoera.

3.- Segurtasuna Sailarekin lankidetza hitzarmena –Euskal Autonomia Erkidegoaren administrazioaren eta Azpeitiko Udalaren artekoa– droga toxikoak, sorgorgarriak eta substantzia psikotropikoak legez kanpo edukitzearekin eta bide publikoan kontsumitzearekin lotutako arau-hauste administratiboei buruzkoa.

4.- Aranzadiren eta Azpeitiko Udalaren arteko lankidetza hitzarmena.

5.- Alkatetzak 2019ko azaroan emandako ebazpenen berri ematea.

6.- San Martin egoitzarako langileen egoeraren inguruko mozioa.

7.- Galdera eta erreguak.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu