Gaur, azaroak 22, musikarien Santa Zezilia eguna da, eta urtero legez, data horren bueltan kontzertu berezia eskainiko dute Udal Musika Bandako kideek. Bihar, larunbata, izango da emanaldia Sanagustin kulturgunean, 19:00etan hasita, eta bandako kideek hainbat abesti eskainiko dute Unai Frantzesena zuzendariaren gidaritzapean. Gainera, Kbeat ahots taldeak eta Ignacio Arakistain organo-jotzaileak ere parte hartuko dute kontzertuan.
Honako abesti hauek entzun ahal izango dira biharko emanaldian:
- Bonnie Annie Laurie (John Philip Sousa)
- Tapas de cocina (Kees Vlak)
- Children's March (Percy A. Grainger)
- Fate of the gods (Steve Reineke)
- The wrong note rag (Leonard Bernstein. Moldaketa: Ted Ricketts)
- The polar express (A. Silvestri eta G. Ballard. Moldaketa: Paul Murtha eta Audrey Snyder)