Juan Sebastian Elkano itsasgizon getariarrak munduari bira eman zioneko 500. urteurrena ospatzeko askotariko ekitaldiak prestatu dituzte. Joan zen udan hasi ziren ospakizunek datozen urteetan jarraipena izango dute.
Ospakizun horiekin bat egiten ez dutenak eta Elkanok eta haren kideek duela 500 urte egindakoaz ikuspegi kritikoa dutenak ere badira, ordea. Horren erakusle da Elkanori Bira izeneko ekimena. "Historiak isilarazitakoak ezagutarazteko" bultzatu zuten egitasmo hori hainbat elkartek eta norbanakok. Elkanoren Biraren bultzatzaileetako bat da, hain zuzen ere, Axier Lopez Argiako kazetaria, eta hitzaldia emango du gaiaren gainean bihar, Azpeitian.
Urolakoen Napar Zuzterrak taldeak antolatu du Lopezen hitzaldia, Elkanoren mundu bira. Zer dugu ospatzeko? Zer dute ezkutatzeko? izenburuarekin. Basazabal jauregian izango da, 19:00etan.