Basazabal jauregian bisita gidatua egingo dute igandean

Uztarria.eus | Kultura
2019ko aza. 7a, 09:24

Ezkutuko Altxorrak egitasmoaren barruan antolatu dute, Zurbano Basazabal jauregia Berpizkundeko Azpeitian izenburuarekin. 12:00etan hasiko da eta parte hartu nahi dutenek aurrez gorde behar dute tokia.

Basazabalen iaz egindako lehen bisita gidatua.  Ikusi haundiago | Argazki originala

Bisita gidatua prestatu dute igande eguerdirako Basazabal jauregian. Enparan kalean dagoen eraikina erdigunean jarrita, Berpizkunde garaiko Azpeitiaz gehiago ezagutzeko parada izango dute bisitan parte hartzen dutenek; Zurbano Basazabal jauregia Berpizkundeko Azpeitian izenburua jarri diote, hain zuzen ere, Ezkutuko Altxorrak egitasmoaren barruan antolatu duten bisita gidatu horri. Vicente Davilak gidatuko du saioa.

12:00etan hasiko da igandeko bisita gidatua eta parte hartu nahi dutenek aurrez hartu behar dute ekitaldirako tokia. Horretarako, info@ignaziotarlurraldea.com helbide elektronikora idatz dezakete, edo telefono zenbaki hauetako batera deitu: 943-15 18 78, 943-79 64 63 edo 943-72 20 42.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu