Gatibu taldeak Azken indioak biraren barruan kontzertua eskainiko du datorren abenduaren 27an, ostirala, Sanagustin kulturgunean, eta taldeak jakinarazi duenez, sarrera guztiak agortu dira dagoeneko. 21:30ean izango da emanaldia, eta 20:30ean zabalduko dituzte kulturguneko ateak. Ez da taldeak Sanagustinen joko duen aurreneko aldia; 2015ean eta 2017an ere kulturgunea bete egin zuen Gatibuk.