Lukiek eta Montauk taldeen kontzertuak izango dira zapatuan Sanagustin kulturgunean

Uztarria.eus | Kultura
2019ko urr. 24a, 16:06

Kontzertuak 22:30ean hasiko dira, eta sarrera doakoa izango da. 

Zapatuan musika izango da protagonista beste aste batez Sanagustin kulturgunean. Datorren asteburuan Lukiek eta Montauk musika taldeak igoko dira Sanagustingo oholtzara, eta kontzertu bana eskainiko dute 22:30ean hasita. Ez da sarrerarik oraindu beharrik izango. 

Lukiek 2015ean Mungian sortutako taldea da. Nirvana edota Husker Du gisako taldeen eragin nabarmena du Bizkaiko taldeak, eta aurten kaleratu du bere aurreneko lana, Lukiek #1 izenekoa. Hamahiru abestiz osatutako lana da, eta bertan jasotako kantak eskainiko dituzte Sanagustinen eskainiko duten kontzertuan. Montauk, berriz, 2014an sortu zen Gasteizko taldea da. Aurreneko diskoaren bidea amaituta, orain buru belarri dabiltza beren bigarren diskoa aurkezteko kontzertu bira egiten. Geruzak du izena Gasteizko taldearen bigarren diskoak. 

Bidali:  

Erantzunak

Perikomotxala | 2019-10-24 : 16:53

Lau katu joaten diren ekitaldiak, kulturaren txiringitoa justifikatzeko.

JesperSkibby | 2019-10-25 : 09:07

Oso ondo Periko

Hiretzat ordun jende asko dijuen ekitaldiyek bakarrik ein ber dituk? Talde danak ezagunek? Eta nola allaukoek talde berri bat hik eskatzekan estandar hoiyeta, ezezagun dan garaiyen aukerak emate ezpazaixko kontzertuek emateko?

Naekana hotsein, txiringitue despektiboki, baino eskertzekue dek holako gauzek antolatzie (eta ez S.A. eta Gatibu bakarrik). Gainea debalde dek eta! Nahi baek jun hai, nahi ezpaek ez!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu