Beñat Lizasok Irungo final-laurdenean kantatuko du igandean

Uztarria.eus | Kultura
2019ko urr. 18a, 09:12

Azpeitiarrak final zortzirenetako Ordiziako saioa irabazita lortu zuen final-laurdenetara zuzenean sailkatzea. Igandean, 17:00etan hasiko da bertso saioa, Bastero kulturgunean, eta Lizasorekin batera izango dira agertokian Agin Laburu, Haritz Mujika, Iñigo Izagirre, Maider Arregi eta Unai Gaztelumendi.

Beñat Lizaso.  Ikusi haundiago | Argazki originala

Final zortzirenetako saioak bukatu eta astebeteko etenaren ostean, asteburuan itzuliko da Gipuzkoako Bertsolari Txapelketa. Bihar, zapatua, Andoainen izango da fase berriko lehen saioa, eta etzi, Irunen, bigarrena. Igandeko saioan abestuko du, hain zuzen ere, Beñat Lizasok. Azpeitiarrak final zortzirenetako Ordiziako saioa irabazi egin zuen, eta lorpen hori tarteko, zuzenean sailkatu da final-laurdenetara. Igandean, 17:00etan hasiko da bertso saioa, Bastero kulturgunean, eta Lizasorekin batera izango dira agertokian Agin Laburu, Haritz Mujika, Iñigo Izagirre, Maider Arregi eta Unai Gaztelumendi. Sarrerak honako lotura honetan eros daitezke.

Guztira, final-laurdenetako bost saio izango dira –horietako bat Azpeitian, hilaren 27an–, eta saio horietako irabazleak nahiz puntuazioaren arabera sailkatutako lehen hamahiru bertsolariek eging dute txapelketan aurrera. Jokin Uranga bertsolari azpeitiarrak, esaterako, Eibarren abestuko du hilaren 26an. Hiru finalerdi jokatuta, abenduaren 14an izango da finala, Donostiako Ilunben.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu