Udako etenaren ostean, literatur solasaldiei ekiteko prest dira Azpeitiko Udal Liburutegian. Urriaren 22an, asteartea, jarri dute lehen hitzordua: hain zuzen ere, Yoseba Peñaren Hariak eleberria landuko dute saio horretan. 18:00etatik 19:30era bitartean ariko dira solasean, liburutegian bertan, eta idazleak ere parte hartuko du saioan. Interesatuek liburua irakurri baino ez dute egin behar; eleberria ez dutenek, eskuragarri dute liburutegian.
Aurrerantzean, hilero egingo dituzte literatur solasaldiak. Liburutegiko ordezkariek azaldu dutenez, aurrerago jakinaraziko dute zein izango diren landuko dituzten gainontzeko liburuak.