Klima larrialdi egoera deklaratzeko mozioa onartu du Udalak

Uztarria.eus | Udala
2019ko urr. 2a, 11:15

Azpeitiko Udalbatzak osoko bilkura egin zuen atzo, eta klima larrialdiari buruzko mozioa onartu zuten, aho batez. "Udalak mundu mailako klima larrialdi egoera deklaratzen du, eta ikuspuntu horretatik lan egiteko konpromisoa berresten du", dio mozioak, besteak beste.

Atzoko udalbatzarreko irudia.  Ikusi haundiago | Argazki originala

Azpeitiko Udalak ohiko udalbatzarra egin zuen atzo, asteartea, eta hautetsiek hainbat gai izan zuten hizpide. Besteak beste, klima larrialdi egoerari buruzko mozioa onartu zuten, aho batez.

Honako hau dio mozioak:

1. Azpeitiko Udalak, beste erakunde batzuek abiatuta duten bideari jarraituz eta komunitate zientifikoaren naiz ekologistaren deiari erantzunez, mundu mailako klima larrialdi egoera deklaratzen du, eta ikuspuntu horretatik lan egiteko konpromisoa berresten du.

2. Azpeitiko Udalak, Eusko Jaurlaritzak deklaratu berri duen larrialdi klimatiko egoerarekin koherentea izanik, horri aurre egiteko beharrezkoa den karbonogabetze prozesua 2040. urtera aurreratzeko moduko plangintza eta politikak abian jartzea exigitzen du.

3. Azpeitiko Udalak, bere eskumenen baitan, aldaketa klimatikoari aurre egiteko politika eraginkorrak garatzeko konpromiso irmoa adierazten du, eta 4/2019 Jasangarritasun Energetikoaren Legearen garapena udalerrira egokitzeko konpromisoa hartzen du. Hala, 2016tik abian den Udal Energia Plana berrikusi eta, behar bada, egokituko dugu.

4. Klima larrialdiari aurre egiteko ingurumenaren babesa eta jasangarritasuna helburu dituen politikak erdigunean jarriko ditu udalak, eta bere lan dinamiketan zeharlerro gisa landuko ditu. Era berean, gaur egun abian diren proiektuak indartzeko eta zabaltzeko lanean jarraituko du.

5. Onartutako mozio hau Gipuzkoako Foru Aldundiari eta Eusko Jaurlaritzari bideratuko dio Udalak.

Bidali:  

Erantzunak

Unax | 2019-10-02 : 12:16

Ez sinestekoa, udaleko ohiko udalbatzarrean, eta zinegotzi erdiak baino gehiago euren mobilarekin entretenituta. Hau ere nahiko egoera larria

Izarraitzpe | 2019-10-02 : 12:33

Gero gaztetxoei esan beharko diegu ikasgelan ezin dela mugikorra erabili, irakasleari eta lagunei errespetua izateko.

Egipixkat | 2019-10-02 : 18:16

Aldaketa klimatika? pentxu usaiak jaten gaituen bitartean eta mankomuniteak zabortegia martxan jarraitzea nahi duenean, usai puta kumearen herria da Azpeitia, 3. mundukoa, pobrea eta kontaminatua. Tristura herritar ardiek ez dutelako ahotsik altxatzen eta politikoek tamaina berdinean.

Mzurbano | 2019-10-02 : 19:20

Klima aldateka gora eta bera... "Hainbeste" kontaminatzeun herri hontan ez altzaio inoi okurriu papela aurreztu eta ez inprimitzeko asmotan, akaso, mobilin gai zerrenda eta moziyue irakurtzen ai dienik?

batzuek2 | 2019-10-02 : 22:26

hor dagon nibelan zai bagaudetxek klima aldaketien inguruen zeoze eiteko jarrita eotie hobe diau

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu