Duela aste batzuetatik martxan den Hitzaren Eskolaren barruan ekitaldi ireki bat antolatu du Dinamoa sormen guneak gaur arratsalderako. 19:30ean hasita, Hogeita bat, mendeko emanaldi poetikoa izenburupean poesia errezitaldia eskainiko dute Iñigo Astiz Berria egunkariko kazetari eta idazlea iruindarrak eta Mikel Aierbe idazle azpeitiarrak, Dinamoan.
Herritar guztiek izango dute emanaldira joateko aukera. Astizek azaldu duenez, Mikel Aierbe azpeitiarrarekin batera eskainiko du emanaldia: "Biok ibiliko gara eszenan, poesia irakurtzen, Ikeako altzari bat muntatzen, Coca-Cola bat edaten, beste arrisku kirok batzuk praktikatzen".