Jakinarazi dute IV. Txisteratik Egun Magikoaren egitaraua. Urriaren 5ean izango da Txisteratik eguna aurten, eta beste urteetan bezala, ekintza ugari izango dira egun guztian zehar.
12:30ean hasita, gertuko magia izango da Alde Zaharreko kaleetan zehar. Arratsaldean, Gran Zampano eta Julen magoaren ikuskizunez gozatu ahal izango da herriko kaleetan. 19:00etan, berriz, Txisteratik Gala Nagusia eskainiko dute Soreasu antzokian. Bertan parte hartuko dute Imanol Ituiño, Brando eta Silvana, Iagomago, Eriz Magoa eta Miguel Muñoz magoek, eta ikusleak magiarekin txunditzen saiatuko dira.