Udako etenaldiaren ostean, protestei helduko diete berriro Azpeitiko Jubilatuen eta Pentsiodunen Plataformako kideek. Modu horretan, elkarretaratzea deitu dute astelehenerako pentsio duinen aldeko ahotsa zabaltzen jarraitzeko. Ohi bezala, 12:00etan jarri dute hitzordua plazan, eta "KPIaren igoeraren alde eta %0,25eko igoeraren aurka" aterako dira kalera.
Herriko pentsiodunek 2018ko otsailaren 19an egin zuten aurreneko elkarretaratzea plazan, eta haren ostean ugari izan dira egindako protestak eta elkarretaratzeak.