Azpeitiko Helduen Eskola publikoan zabaldu dute 2019-2020 ikasturterako matrikulazio epea. Euskara, etorkinentzat espainiera nahiz irakurketaren eta idazketaren garapenerako saioak eskainiko dituzte, baita Derrigorrezko Bigarren Hezkuntzako titulua lortzeko nahiz goi mailako zikloetarako sarbide probarako prestaketa saioak ere. Gaurtik hilaren 12ra eman ahal izango da ikastaroetarako izena, 10:00etatik 13:00etara Oktogonoan (Perretxikoan).