Juan XXIII auzoko lanak tarteko, ondoko errepidea itxiko dute tarteka

Uztarria.eus | Hirigintza
2019ko abu. 27a, 17:11

Juan XXIII auzoko 1, 2, 3 eta 4 zenbakidun etxebizitzen etxaurrea konpontzen ari dira, eta hori dela eta, arratsaldean itxita egon da Zelai Luzetik Eroski aldera doan errepidea. Lanak egin ahal izateko, garabi bat baliatu dute beharginek, eta horrek bidea oztopatzen zuelako moztu dute errepidea. Lehenik, etxebizitzen etxaurrea konponduko dute, eta ondoren, hormak margotuko dituzte. Bi aste inguru iraungo dute lanek, eta bitarte horretan, tarteka itxita egongo da aurrez aipatutako errepide zatia.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu