San Agustin festak iristear dira Goikokalera; izan ere, asteazkenean, San Agustin egunez, hasiko dute jaietarako prestatu duten egitaraua, kale horretako bizilagunek Sanagustin kulturgunean egingo duten bazkariarekin. Festei ostiralean eta zapatuan emango diete segida. Ostiralean, dardo txapelketa egingo dute 22:30ean hasita, Fideo de Mileto tabernan, eta zapaturako egun osoko egitaraua antolatu dute. 12:00etan botako dute suziria Goikokaleko plazan, eta ondoren, mokadua egingo dute bertan. Gainera, zozketak ere egingo dituzte, urtero moduan. Arratsaldean, IV. Goikokaleko Mus Txapelketa izango da Sanagustinen, eta 17:00etan umeentzat jolasak. Egunari bukaera emateko parrillada eta trikitilarien emanaldia izango dira.
Hona hemen, festetarako prestatu duten egitaraua:
Abuztuak 28, asteazkena
14:30. Bazkaria egingo dute, Sanagustin kulturgunean.
Abuztuak 30, ostirala
22:30. Dardo txapelketa, Fideo de Mileto tabernan.
Abuztuak 31, zapatua
12:00. Txupinazoa, Goikokaleko plazan.
12:30. Mokadua eta zozketa.
15:30. IV. Goikokaleko Mus Txapelketa, Sanagustin kulturgunean.
17:00. Umeentzat jolasak eta txokolatada.
20:30. Parrillada.
Ondoren, JIM trikitilariak.