Punk eta rock doinu gogorrak izango dira nagusi bihar, asteazkena, Zubizarren. Izan ere, Zubizar Fest ospatuko dute hango eraikinean, eta 17:00etatik aurrera inguruko musika taldeak igoko dira oholtza gainera. Hain zuzen ere, honako talde hauek eskainiko dituzte kontzertuak: Uther, Peedöh, Lokuria, Ernia eta Baserriko Ollaskue Labien. Horien emanaldiak amaitzean, Aztakol eta Langostin xao disko jartzaileek girotuko dute espazioa.
Gauean, DJak
Bihar gauean ere musika izango da nagusi: DJ festa egingo baitute Sanagustin kulturgunean. Alexander Loop eta Xugua ariko dira zuzenean, 00:00etatik aurrera.