Inoiz baino anitzago datoz herriko festak

Uztarria.eus | Festak
2019ko uzt. 19a, 12:45

Uztailaren 25ean hasiko dira ekitaldi nagusiak, Baserritarren Egunarekin, eta abuztuaren 2ra bitartean, askotariko ekitaldiak izango dira. Lagun Onak futbol klubekoek eta Odol Emaileen Elkartekoek botako dute saninazioetako txupinazoa. Udalak erasorik gabeko festak aldarrikatu ditu; eraso matxisten inguruko informazioa emateko arreta gunea jarriko dute, eta aurten lehenengoz, telefono bidezko zerbitzua eskainiko dute.

Azpeitiko hainbat eragile, festen aurkezpeneko argazkian.  Ikusi haundiago | Argazki originala

Asteburuan hasiko dira Azpeitiko festak, eta dagoeneko jakinarazi dute zein izango den egun horietako egitaraua. Herriko hainbat eragilek argazki jendetsua atera dute Azpeitiko plazan, festa horiek iragartzeko. Aurtengorako ere, adin eta gustu guztietarako jarduerak antolatu dituzte. "Azpeitia anitza da, eta festak ere aniztasun horrentzat antolatu nahi izan ditugu", azaldu du Nagore Alkorta Azpeitiko alkateak.

Haren arabera, festak "herri baten isla" dira, eta saninazioak ere Azpeitiaren "oinarriak eta balioak" erakusteko egunak izango dira. "Erakuts diezaiogun munduari garena: etorkizunari irekitako herria, geurea dena maite duguna eta zaintzen duguna; herri euskalduna, anitza, parekidea, elkartasunez betea…".

Dagoeneko gauza jakina da Lagun Onak futbol klubeko eta Azpeitiko Odol Emaileen Elkarteko kideek botako dutela uztailaren 30eko txupinazoa, eta horri erreferentzia egin dio Alkortak. "Azpeitian kulturan, kirolean eta gai sozialetan lanean ari diren hamaika talde ditugu. Hamaika dira aurtengoan ere txupinazoa botatzea mereziko zuten taldeak, baina biri egokitu zaie. San Inazio bezperan, 75. eta 50. urteurrenak ospatzen dituzten Lagun Onak futbol taldeak eta Odol Emaileen Elkarteak emango diete festei hasiera. Azpeitiko benetako altxorra horixe da: herri eragileetan lanean ari diren taldeak, eta saninazioen hasieran ere hori izango dugu presente".

Era berean, Alkortak nabarmendu du festak "denok gozatzeko" direla. "Azpeitian guztiontzako lekua dago, berdin du sexua, adina, arraza, erlijioa… Guztiok dugu Azpeitiari eta festei zer eskainia, eta horixe errespetatzeko eta zaintzeko eskatu nahi dizuet. Sentitu aske zaretena izateko, sentiarazi aldamenekoa aske den bezalakoa agertzeko, eta askatasun horren oinarri izan dadila errespetua".

Mikel Odriozola Festa Batzordeburuak azaldu duenez, festak antolatzea "puzzle bat osatzea bezalakoa" izan da. "Herriko eragile ugarik antolatu nahi izaten dituzte ekintzak egun horietan, eta hori egundokoa da. Udalari guztiari forma ematea eta osatzea egokitzen zaio. Beraz, ekintzen antolaketan ibiltzen diren guztiei gure esker ona adierazi nahi diegu". Era berean, gogoan izan du orain gutxi arte Festa Batzordeburu izan den Mikel Ibarzabal, eta haren lana eskertu du Odriozolak. "Agintaldi bat bukatu eta segituan iritsi dira festak, eta Ibarzabalek festak bideratuta laga zituen; hori eskertu beharrean nago".

Hasiera, uztailaren 25ean

Asteburuan Azpeitia festa giroan murgilduko bada ere, uztailaren 25ean hasiko dira ekitaldi nagusiak; hau da, Baserritarren Egunean. Goizetik arratsaldera bitartean, herriko plazaren bueltan, hamaika ekintza izango dira, ohi bezala. Ostiralean atseden hartu ostean, larunbata eta igandea ere "gogor" etorriko dira, Odriozolaren esanetan. "Zapatuan, preso, iheslari eta deportatuen eguna izango da, eta eguerditik gauera arte hainbat ekintza izango da. Igandean, txikienen eguna izango da; Umeen Egunean haurrek eta erraldoiek izango dute protagonismo osoa. Eguerdiko dantzen ostean bazkaria egingo dute, eta arratsaldean ere jolas artean egingo dute festa".

Horren guztiaren ostean hasiko dira ofizialki San Inazio festak, uztailaren 301ko suziriarekin, eta hiru egunez, askotariko ekitaldiak izango dira: herri bazkaria, kontzertuak, suziriak, haurrentzako ekintzak, pilota partidak, gisatu txapelketa… Aurten, gainera, aniztasun funtzionala duten pertsonek ere barrakez gozatu ahal izan dezaten, bi arratsaldez ez da musikarik izango barraketan. "Bide horretan jarraituko dugu lanean", adierazi du Odriozolak.

Festak gozatzeko ez ezik, lanerako egunak ere izaten dira askorentzat, eta horretan jarri du arreta Festa Batzordeburuak. "Askotan, ez da erraza izaten festa giroa eta lana uztartzea, eta horregatik, errespetua eskatu nahi dugu han eta hemen lanean ari diren guztientzat". Ildo horretan, Azpeitira lanera etortzen direnentzat aterpea prestatuko du udalak: atseden hartzeko, lo egiteko, egoteko eta dutxatzeko lekua eskainiko dute. "Gure asmoa da herrian eman behar dituzten lanegunak ahalik eta erosoen pasatzeko baliabideak eskaintzea".

Erasorik ez

Idoia Arrizabalaga zinegotziak azpimarratu du saninazioak "denak gustura eta libre" ibiltzeko egunak izatea nahi dutela. "Festak harreman parekideak eta askeak eraikitzeko eta aniztasunetik gozatzeko espazioa izatea nahi dugu. Azpeitiko Udalarentzat lehentasunezkoa da diskriminaziorik eta erasorik gabeko herria eta festak eraikitzea".

Udalak "arreta berezia" jarri nahi izan du lanketa horretan. "Festa giroan dena libre delako ustea zabaltzen da, eta erasoak gertatzeko aukerak handitu egiten dira. Horregatik, urte osoko hezkuntza eta sentsibilizazio ekintzekin jarraituz, festetarako kanpainaren barruan neurriak hartuko ditugu", esan du Arrizabalagak. Horren harira, udala dagoeneko hasi da herriko tabernetatik pasatzen eta erasoen aurrean nola jokatu behar den jasotzen duen protokoa azaltzen eta idatziz uzten. Gainera, festetarako abian jarri den kanpainako hainbat pegatina utziko dituzte tabernetan.

Urtero bezala, eraso matxisten inguruko informazioa emateko arreta gunea jarriko dute Plaza Txikian festa egunetan: uztailaren 30ean, 18:00etatik 06:00etara izango da zabalik; uztailaren 31n, 20:00etatik 04:00etara; eta abuztuaren 1ean, 18:00etatik 06:00etara. Horrez gain,  berrikuntza gisa, arreta telefono bat jarriko dute: egunero, 20:00etatik 08:00etara, eraso matxisten inguruko informazioa eta aholkularitza eskainiko dute adituek bertan. Festetan telefono horretara deitzea behar dutenek eskura izan dezaten, pegatinak egingo dituzte, mugikorraren atzealdean itsatsi ahal izateko.

Egitaraua

-Zapatua, uztailak 20

10:30-13:30 eta 16:00-18:00. 37. Usakume tiraketa, Odria auzoan.

11:00-19:30. XVI. Auto Klasikoen rallya.

 

-Uztailak 25, osteguna: Baserritarren eguna

09:00-14:00. XXV. Cesar Valverde Pilota Txapelketako finalak, Izarraitz pilotalekuan.

10:30. Goiz eresia, Udal Musika Bandaren eta Izarraitz txistulari taldearen eskutik.

10:30. Nafarroako banderari omenaldia, Perez Arregi plazan hasita. Erdikaletik kalejira eginda, plazan ohorezko dantza egingo dute.

11:00. Eskualdeko ganadu erakusketa.

11:00. XXI. Gazta Lehiaketa.

12:00. 47. Sagardo Txapelketa eta dastaketa. Plazan kantuan ariko dira Unai Agirre, Iker Zubeldia eta Sebastian Lizaso bertsolariak, eta trikiti doinuz alatuko dute Lajak, Lutxurdiok eta Berastegik.

18:00. Kantujira, kalez kale.

18:00. Errekortariak, zezen plazan.

19:30-22:30. Jainekin txarangaren emanaldia.

 

-Uztailak 27, zapatua: Presoen eguna

12:00. Kimura judo klubeko kideen erakustaldia, plazan.

12:00. Mural margoketa, Erdikalean.

14:30-19:30. Karting eta minimotard erakustaldia, Perez Arregi plaza inguruan.

19:00. Manifestazioa plazan hasita, Sarek deituta.

21:00. Afaria eta ekitaldia, Azoka Plazan.

23:00. Tximeleta taldearen erromeria eta Gorpuzkingz taldearen kontzertua, txosnetan.

 

-Uztailak 28, igandea: Umeen eguna

10:00. Goiz eresia, Itsasi dantza taldeak antolatuta.

Ondoren, korporazio txikia, Juan Antxieta musika eskolako txistulariek eta banda gazteak lagunduta.

11:00. Umeen meza nagusia, parrokian. Juan Antxieta musika eskolako abesbatzak parte hartuko du.

12:00. Haurrentzako dantzak, plazan.

12:30. Erraldoien dantza saioa eta sari banaketa, plazan.

14:00. Umeen bazkaria.

16:00. Umeentzat jolasak eta kalejira.

16:00. XXXIX. Inazio Deuna Txirrindularitza Saria, Perez Arregi plazatik abiatuta.

17:30. Gaztetxoen kalejira, Alde Zaharrean.

19:00. Desenkajonamentua, zezen plazan.

22:00. Udal Musika Bandaren pasodobleen emanaldia, plazan.

 

-Uztailak 30, asteartea: San Inazio bezpera

11:00. Hamaiketakoa, plazan.

12:00. Txupinazoa botako dute Azpeitiko Odol Emaileen elkarteko kideek eta Lagun Onak futbol taldeko kideek.

Ondoren, Udal Musika Bandak, Izarraitz txistulari taldeak, Ziekoko gaiteroak eta erraldoiek nahiz buruhandiek kalejira egingo dute.

12:05. Marea Arroxaren kalejira.

15:00. Herri bazkaria, plazan.

17:00. Jolasak, txosnetan.

18:00-19:30. Bigantxak eta zezen txikiak, Done Jakue kalean.

18:00. Kantu Koloreren Honolulu emanaldia, Olazko Andre Mariaren plazan.

18:30. Elektrotxufla elektrotxaranga.

19:00. Meza eta bederatziurrena, Loiolako basilikan.

19:30-21:00. Burrunba elektrotxaranga.

22:00. The Potes, txosnetan.

23:00. Su festa, Pirotecnia Zaragozanaren eskutik.

23:30. Hesian taldearen emanaldia, plazan.

23:30. Izer eta Alabier, Olazko Andre Mariaren plazan.

01:00. Ezten Giro taldearen erromeria, txosnetan.

 

-Uztailak 31, asteazkena: San Inazio eguna

09:00. Goiz eresia, Udal Musika Bandaren, Ziekoko gaiteroen eta Izarraitz txistulari taldearen eskutik.

10:10. Udal ordezkarien korporazioa, parrokiara.

10:30. Prozesioa.

11:00. Eukaristia, parrokian.

12:00. Urolatarrak txarangaren emanaldia.

12:30. Arratsaldeko zezenen aukeraketa, zezen plazan.

12:30. Entzierro txikia, Elizkaletik Done Jakue kalera.

13:00. Udal Musika Bandaren kontzertua, Sanagustin kulturgunean.

15:00. Txomingeroen bazkaria.

17:00. Gaztetxoentzat jolas parkea, plazan.

17:30. Oñatz elkarte animalistak deituta, elkarretaratzea.

18:00. Zezen txikiekin jolasak, Done Jakue kalean.

18:30. Zezenketa.

19:00. Oria txarangaren emanaldia.

22:00. Jotakie taldearen kontzertua, txosnetan.

22:30. Eskuzko pilota partidak, Izarraitz frontoian. Lehen partidan, Alberdi eta Aranguren Egiguren V.aren eta Erostarberen kontra ariko dira. Bigarrenean, berriz, Olaizola II.ak eta Albisuk Altuna III.aren eta Zabaletaren kontra neurtuko dituzte indarrak.

23:00. Su festa, Pirotecnia Caballerren eskutik.

23:30. Celtas Cortos taldearen kontzertua, plazan.

22:30. Saltoka taldearen erromeria, Olazko Andre Mariaren plazan.

01:00. Crudas Cubensi taldearen kontzertua, txosnetan.

02:30. DJ Albaren emanaldia, txosnetan.

 

-Abuztuak 1, osteguna: San Inazio bigarrena.

09:00. Goiz eresia, Izarraitz txistulari taldearen, Udal Musika Bandaren eta Ziekoko gaiteroen eskutik.

10:15. Udal ordezkariek ongietorria egingo diete Eusko Jaurlaritzako eta Gipuzkoako Foru Aldundiko ordezkariei, plazan.

Ondoren, korporazioan joango dira Loiolara.

11:00. Meza nagusia, basilikan.

12:00. II. Gixau Txapelketa, plazan.

12:30. Entzierro txikia, Elizkaletik Done Jakue kalera.

12:30. Arratsaldean toreatuko dituzten zezenen aukeraketa.

15:00. Gixau-jana, Azoka Plazan.

18:00. Zezen txikiekin jolasak, Done Jakue kalean.

18:00. Emakumeok plazara, ekitaldia.

18:30. Zezenketa.

18:30. Emakumeen eskuzko pilota partidak, Frontoi Txikian.

19:00. Los Pasai txarangaren emanaldia.

22:00. Joselu Anaiak, Olazko Andre Mariaren plazan.

22:00. Bultz taldearen txosnetan.

Ondoren, Ernairen ekitaldia, txosnagunean.

23:30. La Mare eta Esne Beltza taldeen kontzertuak, plazan.

01:00. Afu taldearen kontzertua, txosnetan.

03:00. Tasound System taldearen kontzertua, txosnagunean.

 

-Abuztuak 2, ostirala

06:00. Incansables txarangaren emanaldia.

07:30. Bigantxak, Done Jakue kalean.

08:30. Zumba emanaldia.

Ondoren, gaupaseroen argazkia.

09:00. Suziri eta danbatekoak, herri jaien bukaera irudikatzeko.

12:30. Arratsaldean toreatuko dituzten zezenen aukeraketa.

18:30. Zezenketa.

19:00-22:00. Gau Erdi txarangaren emanaldia.

Informazio gehiago

Bidali:  

Erantzunak

herribatmunduan | 2019-07-19 : 18:11

EAJ-k San Inaziotako programaren gainean ateratako idazkiaren harira.

Txistua, gaita, entzierroa, kontzertua, txaranga, meza, gazta, sagardoa, bertsolaria, toreatu, dantza, banda, bazkaria, finala, pelota, kalejira, su-festa... Ez dut uste azpeitiar askorik egongo denik ( etorri berriren bat akaso) festetako programa ulertzeko gai ez denik. Azpeitian denbora bat daramanak eta programa ulertzeko gai ez denak berak jakingo du zergatik ez duen ulertu nahi.
Euskaraz ez dakiten herritarrak euskarara ekartzeko bide asko dago, eta horietako bat da Azpeitia euskaraz bizi den eta bizi nahi duen herria dela ikusaraztea. Azpeitian euskara da (eta hala behar du) integrazio hizkuntza. Horrez gain, ez ahaztu Euskal Herri osoan erreferente eta eragile garela, arnasgune garen heinean.
Bestalde, herriko festak herritarrek eta herriarentzat antolatutakoak dira. Kanpokoak ongi etorriak dira, jakina. Baina, haien aurrean ere garen bezalako aurkeztu behar dugu: herri euskalduna.
Festak ate joka ditugu eta xextra pizten ibiltzeak ez dio inori mesederik egiten. Batzuk arazoak ikusten dituzun tokian,besteok aukerak ikusten ikasi genuen, ezinbestean: aukera herritar eta kanpotar ez euskaldunak gurera, euskarara ekartzeko.
Ondo pasau Saninaziyuek!

INIXI29 | 2019-07-19 : 20:42

"Herribatmunduan"ekin, erabat ados. Lotsatu egin naiz, euskararen inguruko pnvren ikuspuntuarekin. Euskera ,erabiltzeko eta erabilarazteko ,hizkuntzari balioa eman behar zaio. Bestela , lengora goaz.
ETBko "Euskalonski"n agertzen diren atzerritar askok estimatzen eta maitatzen dute euskara, gure herrian ..."propaganda merkea eginez lagunak bilatu nahian"

batzuek2 | 2019-07-19 : 21:42

gero ibili integrazioa eta pluralidadea eskatzen, eskatu botoak sanjuandegin, esan abuelo eta abuela eta holakoak, dantzatu flamenkoa, ekarri Quintana de la Serenako alkatea berriro, extremeñoak elektoralki manipulatzen saiatu. Anitza? Ikusten dugu ze herri moeta nahi duen Bilduk, homogeneoa. Hemen ere euskeraz egin ber da derriorez.Tristea, benetan tristea eta adierazgarria.
Daude A mailako herritarrak eta B mailakoak, batzuek nahita ere ezin dute euskaraz ikasi, lanean ez diete uzten, baina denak zerga berdinak ordaintzen ditugu.
Diru publikoarekin erabakitzen da batzuek diskriminatzea. Pobreenak eta kanpotik etorritakoak.
txaloak ultra nazionalistei, egun tristie da ezkerreko jendearentzat.

Haizeaburuan_ | 2019-07-20 : 08:19

Marokoarrek eta pakistandarrek ere ordaintzen dituzte zergak. Beren hizkuntzan ere egin beharko, orduan.
Beste leku batean irakurri dudanez, badaude beste hizkuntzetara itzulitako bertsioak, eta turismo bulegoan banatzen dituzte.
Bestalde, agian, proposamen bezala, egitaraua bera ulertzeko zailtasuna duten herritarrentzat, hitz klabeak nabarmenduta jarri eta atzean hiztegitxo bat egin edo zerbait horrelakoa ere interesgarria litzateke. Badakit egitarau batek ez duela unitate didaktiko bihurtu behar baina bueno, euskarara hurbiltzeko beste modu bat izan daiteke.
Kexatu eta kexatu ari zaretenontzat, proposamenak behar ditugu! Izan konstruktibo!

Betikue | 2019-07-20 : 08:33

...beste tokitan irakurri dezuna, itzulitako bertsioak...blablabla!kagada earra ta orain a salvar el partido ....Morokoarrak eta pakistandarrek zergak ordainduko dituzte noski, baita era argentinoak, nikaraguakoak...baina hizkuntza ofizialak euskera eta gaztelera diala!...Proposamenak? Erreza dala! Euskera nagusi, baina gazteleraz minimo batzuk eta kitto! Ez marginazioari!

Herribatmunduan | 2019-07-20 : 10:52

Batzuek2, gezurrik ez, mesedez. Hemen derrigorrezkoa balitz euskaraz egitea, Euskal Herria euskalduna litzateke, eta ez da, zoritxarrez. Are gehiago, hiltzeko arriskuan dauden hizkuntzen zerrendan dago. Ezin esan gaztelania historikoki borondatez ikasi dugunik euskaldunok.

Euskara politikarekin nahasteak ez dio inori mesederik egiten. Partidu baten kontra egiteagatik dena kakanahasteko prest bazaude, zeuk ikusi. Era horretako erasoak lehendik ere soberan ditugu euskaldunok.

Erdaldunak euskarara ekartzen ez baditugu, euskaldunok jarraitu beharko dugu B mailako herritarrak izaten geure herrian, beti espaloitik jaisten, txuriak espalotik pasatzen zirenean, beltzek egin behar izaten zuten bezala, AEBtan.

Festetako programarekin aukera ederra daukazu zuk diozun azpeitiar horiengana ( programa ulertzeko gai ez omen direnak) gerturatu, elkar ezagutu, programa ulertzen lagundu, festara gonbidatu eta elkarrekin ondo pasatzeko. Horixe da benetako integrazioa.

batzuek2 | 2019-07-20 : 11:01

Horrek Azpeitiyen ez du balio, Azpeitiyen beltzak erdaldunak dia (hezurbeltzak, koreanuek, matxurrianuek, moruek) eta bigarren mailakoek ederki dakizun moduan, solitarioan tranpa egitiek zeure buruaren arinkeria erakusten du eta herri bat egitea nahi baezu pixke bat pentsau berko zenuke. Azpeitiyeko programa festibuez ai gera eta matxurrianuek ez daukegu eskubideik entenditzeko. Baño lanpostuek eta holakuek, iraurgi lantzen eta kristotan hoiek bai kastellanoz, hoyek bai.
De akuerdo programa mierda hontan dirue gasta berrien jendiei euskeraz erakusten gastatzie koherentio dala.

Mzurbano | 2019-07-20 : 12:06

Jasuus! a ze argumentuek ai naizen irakurtzen hamen. Euskerin kontra pnv?, erabilpen politikue?... ze ai die hamen batzuk esaten? Dedio aldrebeska izan bazan kristonak botako zien, euskerien kontrako atake bortitze izan dala. Hizkuntz eskubideak zapalduta... baino klaro beste aldea danin... hor ez da eze pasatzen.

Ez dakinak ez daki, igual du ze arrazoiengatik. Akaso saiau arren ez da kapaza iksteko ez dalako ona hizkuntzekin. Ni inglesa urtiek damazkit ikasten eta alperrik negau hutse naiz eta hizkuntzekin. Ez dakinak esan nahi du ezin dula ulertu, beraz ze ai zeate esaten esfortzue inberdula entenditze ez dun zerbait entenditzeko? Noiztik festetako programie bezelako udal komunikazio ofizial baten holako gauzak eitea obligauber zakobe herritarrei? gainea kontutan hartuta Nagorek kanpainan esan zula udal komunikaziyuek bi hizkuntzatan eiten ziela eta eingo ziela!! bi hizkuntz ofizialetan!! Ze problema dao euskerie lehenetsiz ez dakibenantzat edo euskaraz irakurtzen zailtasunek dauzkebenantzat laburpentxo bat edo esaldi labur bat erederaz jartzikin? hori eskatzeatik euskerin kontra jutie al da? ai ama! aitu ber dienak!

herribatmunduan | 2019-07-21 : 19:23

Batzuek2, zuk ondo dakizun moduan, euskaldunoi "aldeano", "kaxero" eta beste gauza asko deitu izan zaigu, eta hizkuntza debekatu eta gutxietsi, eta euskaraz eginez gero, zigortu, etab. Horren ondorioz, euskaldun askok euskaraz egiteari utzi zioten. Hortaz, ez aipatu hemen alde bateko minak bakarrik.

Azken urteotan, nagusiki 50-60-70eko hamarkadetan etorritako etorkinei aitortzak egin zaizkie. Noizko alderantziz? Noiz onartuko da euskaldunoi eta euskal komunitateari egindako kaltea? Noiz utziko zaio euskara eta euskaldunok erasotzeari, eta laguntzen hasi?

Integrazioak alde bikoa behar du: guk ahalik eta erraztasun handienak eskaini herri eta pertsona mailan, eta datozenek haien aldetik ahalegina egin bertakora hurbiltzeko, bertakoan murgiltzeko. Ez du balio ahalegin hori alde bati bakarrik eskatzeak. Zorionez, Azpetia horretarako Euskal Herrian dagoen herririk egokienetakoa da, etorri berriak milaka aukera dituelako euskaraz aritzeko eta ikasteko, eta oro har Azpeitiko jendea oso prest dagoelako laguntzeko.

M. Zurbano, inork ez du esan EAJ euskararen kontra dagoenik, gauzak ez atera bere onetik, faborez.

Programa zein hizkuntzatan dagoen jakin gabe (eta jakinda balitz, okerrago), partidu baten izenean beste partidu baten kontra herriko aldizkarian idatzia ateratzea, hori bada errenta politikoa lortzeko kasu honetan euskararen erabilera egitea; baden bezalaxe inork idatzitakoak komeni den erara interpretatzea, zuk egin duzun bezala, inork ez baitu, berriro diot, EAJ euskararen kontra dagoenik esan.
Izatekotan, nire kasuan behintzat, modua da gustatu ez zaidana, eta horregatik idatzi dut.

Euskaraz ez dakitenei aukerarik ematen ez badiegu euskarara etortzeko, gu geu ari gara haiek euskal kominitatetik kanpora uzten. Eta haiek ahaleginik egiten ez badute, beraiek dira euren burua komunitatetik kanpora uzten dutenak. Eta horrek guri ez ezik, haiei ere kalte egiten die: besteak beste, guk haiekin harremantzeko gurea alde batera utzi beharko dugulako, eta haiek ez direlako komunitateko parte sentituko. Eta beste kontu asko.

Nahiko tristea iruditu zait programaren kontura sortu den zalaparta hau guztia, gainera jakinda gaztelaniaz eta beste hizkuntza batzuetan ere badagoela. Baina beti dago kontu guztietan arazoa ikusi nahi duenik, eta etorriko da hurrengoa esanez zergatik euskaraz ez dakitenek eskuorri ziztrin baten bidez jakin behar duten zer dagoen festetan, etab. Eta horrela bukaerarik gabe, nahi izatera...

Aurreko mezu batean esan bezala, festak ate joka ditugu, eta euskaraz jakin zein ez (ez badakizu animatu ikastera!), ondo pasau saninaziyuek!

Elolakapitaina | 2019-07-22 : 20:46

Kasu honetan, nire ustez, ezin da esan EAJk nahi duela errenta politiko bat lortu, hateskundeak orain duela gutxi izan direlako, eta Bildu beste lau urte gehiago egongo da lasai-lasai gobernatzen. Gainera euskara ez dakitenek ez dute Uztarria irakurtzen (batua ez dakitenek bezala) eta ez dira polemika honi buruz ezertaz enteratuko.
Programazioan gaztelaniaz alkate berriaren agur labur bat, orain arte egiten zen bezala, ez dut uste euskararen aurkako erasoa izan dadinik, eta gutxiago gaztelania hemen hizkuntza ofiziala denean.
Gaztelania arabiarrarekin edo urdurrarekin konparatzeak oso asmo txarra dauka. Gaztelania hizkuntza ofiziala da, ia Euskadiko komunitatearen % 100 ek hitz egiten du. Duela 500 urte (50-60-70eko hamarkadetan etorkinak etorri baino lehen eta Franco urte dexente jaio baino lehen), Azpeitian azpeitiarrek gaztelaniaz edo latinez idazten zuten (San Ignacio, Antxieta, Martín Zurbano...) ez euskeraz ez urdurrez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu