Jose Mari Orbegozoren dantza eskolakoek ikuskizuna eskainiko dute igandean, uztailak 7, Soreasu antzokian. Azpeitia Dantzan egitasmoko bigarren emanaldia izango da Dantzakiko ikasleena. 20:00etan hasiko da saioa, eta erritmo askotako dantzak ikusi ahal izango dira bertan: bachata, sanba, rock-and-rolla, txa-txa-txa, sabel dantza, zunba, salsa, musikala, Sevillako dantzak eta funky. Askotariko dantzak uztartzeaz gain, adin guztietako jendeak parte hartuko du zuzenekoan: 6-7 urteko haurrak izango dira gazteenak, eta erretiratuak helduenak.
Joan den astean egin zuten Azpeitia Dantzan egitasmoko lehen emanaldia Itsasi dantza taldekoek, eta hilaren 13an izango da hirugarren eta azken ikuskizuna: Sahatsa dantza taldeak Bizkaia, soineko zuriz jantzia ikuskizuna eskainiko du.