Azpeitiko Udaleko arduradun politiko berriek hainbat arlotan lanean ari diren herriko eragileekin bilera egingo dute bihar, asteazkena. Ekainaren 15ean hartu zuten kargua hautetsi berriek, eta eragileekin elkartu nahi dute antolaketa berria azaltzeko eta elkar ezagutzeko. Bilera irekia izango da, eta edonork parte har dezake bertan.
Gaur arratsaldeko udalbatzarrean 2019-2022 agintaldiko lan arduren banaketak eta izendapenak egingo dituzte, eta Udal berriak, bihar, 19:00etan hasita, egingo du bilera herriko eragileekin, Sanagustin kulturgunean. Bi helburu izango ditu saioak: batetik, elkar ezagutzea eta iritziak partekatzeko espazioa sortzea; eta bestetik, batzordeburu berrien izendapenen eta batzordeen osaketaren berri ematea.