Azpeitiak Gipuzkoako Herriarteko Txapelketaren finala jokatuko du bihar, Donostiako Atano III.a pilotalekuan. Ilunpeko pilotariek Astigarragaren aurka neurtuko dituzte indarrak, 16:30ean hasita, eta Erlo Telebistaren bidez, Uztarriak zuzenean emango ditu hiru partidak. Aimar Egiguren, Jakes Elosegi, Unai Alberdi, Haritz Larrañaga, Oier Apezetxea eta Daniel Murgiondo izango dira Azpeitia ordezkatuko duten pilotariak, eta Ilunpe elkarteak finalerako 605 sarrera saldu ditu dagoeneko.