Irekita daude Izarraizko Atea parkeko ur txorroak

Uztarria.eus | Aisia
2019ko eka. 21a, 14:08

Azken asteetan aritu dira prestaketa eta mantenu lanak egiten, eta horiek bukatuta, datozen hilabeteetan izango dira horiek zabalik; irailean edo urrian itxiko dituzte, egueraldiaren arabera. Udalak Izarraizko Atea parkean giza-legez jokatzeko eskatu die herritarrei.

Iazko irudi bat.  Ikusi haundiago | Argazki originala

Uda iristearekin batera, gaur zabaldu ditu Udalak Izarraizko Atea parkeko ur txorroak. Erakundeak jakinarazi duenez, astebururako iragarrita dauden tenperatura altuengatik eta egueraldiagatik erabaki du txorroak irekitzea. Azken asteetan aritu dira prestaketa eta mantenu lanak egiten, eta horiek bukatuta, datozen hilabeteetan izango dira horiek zabalik. Hain zuzen ere, irailean edo urrian itxiko dituzte, egueraldiaren arabera.

Udalak parkean giza-legez jokatzeko eskatu die herritarrei. Horri lotuta, hondakinak edukiontzietara ondo sailkatuta botatzeko, parkean zakurrak lotuta edukitzeko eta errespetuz ibiltzeko galdegin du erakundeak. Horrez gain, gogorarazi du ur putzuan ezin dela animaliarik sartu.

2017an zabaldu zuten Izarraizko Atea parkea, eta hasieratik guneak "harrera ona" izan duela esan du Udalak. "Herritar zein bisitari ugari ibiltzen da bertan, eta, uda garaian, ur txorroak izan dira haurrentzat zein gaztetxoentzat erakargarri".

Bidali:  

Erantzunak

andrex | 2019-06-21 : 15:55

Harrera ona?? Aber aurten globo pusketaik ezteun ikusten ordun!! Bestaldea beitzeben guraso hauek bazakeabe ze iñe!!harrera esin obea esateko mouen izengoek udala!!

Betikue | 2019-06-22 : 11:09

...txorrota joan beharko...gure mega estaligabeko igerilekuko tarifak ikusita...lotsagarria!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu