Death Cafe saioa egingo dute datorren asteartean

Uztarria.eus 2019ko eka. 20a, 17:20

Urbizixa taldeak antolatutako saioan izena eman daiteke dagoeneko, 627 11 78 19 telefonora deituta. Tertulia Basazabal jauregian izango da, 18:00etatik 20:00etara bitartean.

Heriotzari buruz errespetuz hitz egiteko beste Death Cafe saio bat antolatu du Urbizixa taldeak datorren astearterako, ekainak 25. Dagoeneko hainbat saio egin dituzte Azpeitian, eta horiek izan duten harrera ikusita, beste bat antolatzea erabaki dute. Asteartean 18:00etatik 20:00etara bitartean egingo dute solasaldia, Basazabal jauregian. Parte-hartzaile kopurua mugatua da, eta horregatik, bertaratu nahi dutenek aurrez izena eman beharko dute 627 11 78 19 telefonora (Izan) deituta.

Otsaileko aldizkarian, 213. zenbakian, Death Cafe saioen inguruko erreportaje luzea egin zuen Uztarriak. Hain zuzen ere, Azpeitiko kafe tertulien sustatzaile Manex Beristainekin eta Iñaki Arregi Izanekin nahiz Death Caferen lehen saioan parte hartu zuten Saioa Garmendiarekin eta Maite Urbietarekin osatu zuen Uztarriak erreportajea, eta honako lotura honetan irakur daiteke.