Azpeitiko Ikastola Ikasberriko kideek ikasturte amaierako jaia egin zuten atzo

Uztarria.eus | Hezkuntza
2019ko eka. 16a, 10:40

Azpeitiko Ikastola Ikasberriko ikasle, irakasle eta gurasoek ikasturte amaierako festa egin zuten atzo, zapatua, Ikastolan bertan. Goizean goiz hasi zituzten ospakizunak; 11:00etan suziria bota zuten, eta pregoia irakurtzeaz batera hasi ziren gainontzeko ekitaldiak.

Eguerdi partean, kantuen ekitaldia izan zen, eta ondoren DBH eta Batxilergoko ikasleen orla banaketa egin zen. Bazkalaurrean, herri kirolak, tailerrak, eta antzerki emanaldia izan ziren ikasleen gozamenerako, eta behin antzerkia amaituta bazkaria egin zuten Ikastolako gimnasioan ikasle, irakasle eta gurasoek. Arratsalderako, beste horrenbeste ekitaldi antolatu zuten Ikasberriko kideek guztien gozamenerako; Iago magoaren ikuskizuna, karaokea, eta hainbat jolas eta tailer izan zen arratsalde osoan zehar. Ondoren, mus txapelketa izan zen, eta egunari bukaera ederra emateko, Kupela taldeak emanaldia eskaini zuen 18:30ean hasita.

Hona hemen Azpeitiko Ikastola Ikasberriko ikasturte amaierako jaiko argazki bilduma:

Ikusi argazki guztiak haundiago

 
Bidali:  

Erantzunak

Perikomotxala | 2019-06-16 : 12:52

Galdetzen hasita... Nola azaldu ezkerreko jendeak zerbitzu publikoak bultzatu behar direla eta gero bere seme alabak zerbitzu pribatuetara eramatea.

Aitza | 2019-06-16 : 14:52

Zergatik ote!!! Perikomotxala, zergartik ote!!!

Izarraitzpe | 2019-06-17 : 09:22

Perikomotxala eta Aitza, hemen irakurketa interesgarri bat:
https://www.berria.eus/paperekoa/1513/004/001/2...

"Ez da publiko edo pribatu, IKASTOLA baizik".

jexuxenama | 2019-06-17 : 14:04

Oso artikulu interesgarria Izarraitzpe.
Nik uste nun Azpeitin ya bukauta zeola jaleo hau umien artien baƱo lengo batien kalien tokau ziten neska batzun arteko bronkie ta benetan negargurie eman ziten.
Danon artien bukauber deu Ikasberri ta Karmelo Etxegarain arteko bronka honekin, eta hau gurasuen lana da. Danon oneako izengoala ustet.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu