Oier Ibargurenek irabazi du Beasaingo Loinaz Saria

Uztarria.eus | Kirolak
2019ko eka. 8a, 15:29

Oier Ibargurenek gaur estreinatu du denboraldi honetako palmaresa, eta ez edonola, gainera. Loinaz Sari ezaguna irabazi du Baque Ideus BH taldeko azpeitiarrak; Euskadiko Txirrindularitza Federazioak 23 urtez azpikoentzat antolatzen duen Lehendakari Txapelketarako puntuagarria da Beasaingo lasterketa.

Iker Ballarini (Goierriko TB) aurrea hartuta irabazi du Ibargurenek Loinaz Saria. Atzetik izan duten boskote bati lau segundoko aldea aterata iritsi dira helmugara sailkapeneko aurreneko biak; Eneko Aramendia, Ballarinen taldekidea, izan da boskoteko azkarrena, eta harentzat izan da podiumeko azken koska.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu