Oriamendi enpresako hamasei erremontista gaztek parte hartuko dute Berria egunkariak antolatutako txapelketan. Gaur hasi eta ekainaren 15ean amaituko da lehia. Zortzi bikotek bi taldetan banatuta jokatuko dute. A taldean, Ansa II.a-Arruarte, Juanenea-Labaka, Segurola-Zaldua eta Otaegi-Garces ariko dira; B taldean, berriz, Azpiroz-Zubiri, Goikoetxea V.a-Aizpuru III.a, Aldabe-Larrañaga eta Etxarri-Agirrezabala. Kirolarietako lau azpeitiarrak dira: hain zuzen ere, Labaka, Otaegi, Agirrezabala eta Aizpuru III.a.
Lehen fasea ligaxka bidez jokatuko dute erremontistek. Ondoren, A taldeko lehen sailkatua eta B taldeko bigarren sailkatuak elkarren aurka jokatuko dute finalerdia, eta gauza bera egingo dute B taldeko lehenak eta A taldeko bigarrenak. Finalaurrekoetan irabazten dutenek finala jokatuko dute, eta finalerdietan sartzen diren pilotariek gazte mailako sanfermin torneoa jokatzeko txartela lortuko dute.