Venezuelako eta Italiako jaialdi banatan ere lehiatuko da 'Lekaime'

Uztarria.eus | Kultura
2019ko mai. 2a, 09:25

Le Prince International Film Festivalerako eta OIFF Short Films Festivalerako hautatu dute Xanti Rodriguez azpeitiarraren film laburra. Azken bi horiekin, momentuz hamar jaialditan parte hartzeko aukera izan du iaz estreinatutako lanak.

Hautagaitzen 'dominak' pilatzen jarraitzen du 'Lekaime' filmaren kartelak.  Ikusi haundiago | Argazki originala

Lekaimek munduan barrena bidaiatzen jarraitzen du. Xanti Rodriguez azpeitiarraren fantasiazko eta beldurrezko film laburra nazioarteko beste bi jaialditan lehiatzeko hautatu dute berriki: Venezuelako Le Prince International Film Festivalen eta Italiako OIFF Short Films Festivalen.

Azken bi horiekin, momentuz hamar jaialditan parte hartzeko aukera izan du iaz estreinatutako lanak: Sitgeseko Fantasiazko Nazioarteko Zinema Jaialdian eman zuten lehen aldiz Rodriguezen filma, eta ordutik hona Mexikoko A Pantalla Abierta, Eibarko Asier Errasti film laburren jaialdian (euskarazko film onenaren saria jaso zuen bertan), Indiako eta Uruguaiko jaialdi banatan, Valentziako South Europe International Film Festivalen, Beeston Film Festivalen eta Global India International Film Festivalen sail ofizialetan aritzeko hautatua izan da.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu