EAJk udal hauteskundeetarako zerrenda aurkeztuko du ostiralean Basazabalen

Uztarria.eus | Politika
2019ko api. 30a, 15:53

Maiatzaren 26ko udal hauteskundeetarako zerrenda aurkeztuko du EAJk ostiralean, maiatzak 3, 19:00etan, Basazabal jauregian. Amaia Etxeberria alkategaiak gidatuko du aurkezpen ekitaldia. EAJk eskerrak eman dizkio herritarrei, Espainiako Gorteetarako hauteskundeetan erakutsitako konfiantzagatik.

Azpeitiko EAJren udal hauteskundeetarako zerrenda. (Argazkia: EAJ-PNV)  Ikusi haundiago | Argazki originala

Behin hauteskunde orokorrak igarota, EAJ datorren maiatzaren 26ko udal hauteskundeei begira jarri da. Hain zuzen ere, ostiralean, maiatzak 3, egingo dute hautes zerrendaren aurkezpen ekitaldia Basazabal jauregian, 19:00etan hasita. Amaia Etxeberria Azpeitiko EAJren zerrendaburuak gidatuko du ekitaldia. EAJk aurkezpenera bertaratzeko deia egin die herritarrei.

EAJk prentsa ohar baten bidez adierazi du talde "sendoa" osatu duela "Azpeitiaren etorkizuna aldatzeko erronkari" heltzeko. Taldearen "esperientzia, aniztasuna, berrikuntza, lanerako gogoa, ilusioa eta gaitasun handia" azpimarratu dute jeltzaleek, eta talde "irmo eta kohesionatua" eratu dutela gaineratu dute. Haien arabera, hainbat alorretan "esperientzia eta prestakuntza" duten herritarrekin osatu nahi izan dute hautes zerrenda, Azpeitia "herri sendoa" izan dadin lan egingo duten lagunekin, hain zuzen ere.

Honako kide hauek osatzen dute EAJren hauteskundeetarako taldea: Antonio Gallarin, Iñaki Sagarzazu, Juan Mari Gajate, Aritz Ansorregi, Ane Gil, Jon Beristain, Izaskun Abaunz, Rebeka Larrañaga, Amaia Etxeberria, Ander Ugarte, Aritz Azpiazu, Alberto Frantzesena, Mamen Alberdi, Beatriz Prat, Nerea Etxeberria, Jabier Larrañaga, Maria Karmen Arozena. (Argazkian, ezkerretik eskuinera)

Herritarrei eskerrak

Espainiako Gorteetarako hauteskundeetan azpeitiarrek alderdiari emandako konfiantza eskertu nahi izan du EAJk, eta esan du konfiantza horrek emandako indarrez baliatuko dela ardurari "onena emanez" erantzuteko. 

Informazio gehiago

Bidali:  

Erantzunak

jexuxenama | 2019-04-30 : 16:00

Copy paste a lot

AbaskalenekoXanti | 2019-04-30 : 21:37

Onenak irabaz dezala

Potto | 2019-05-01 : 07:59

Haber ze egiten duten

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu