Dozena bat lagun batu ziren atzo gauean Soreasu antzokian, Euskaltzaleen Topaguneak urtero antolatzen duen Laburbira zirkuitu ibiltarian. Euskarazko bederatzi film ikusteko aukera izan zen bertan, eta amaieran, Hotzean garbitu filmeko Marta Teijeira zuzendariak grabaketa prozesua nolakoa izan zen azaldu zuen. Teijeirak azaldu zuenez, filmak garbitoki batean sortutako maitasun istorio bat kontatzen du eta "euskarazko film fresko eta dibertigarri" bat egitea zuten helburu.
Guztira, 35 herri zeharkatuko ditu Laburbirak apirilaren 17ra bitartean, Euskal Herrian nahiz nazioartean. Euskarazko zinegintzaren "dosi txiki eta dibertigarriak" zabaltzea du helburu Euskaltzaleen Topaguneak.