65 urtetik gorako emakumeei zuzendutako formazio saioak egingo dituzte Emakumeen Txokoan

Uztarria.eus | Gizartea
2019ko api. 4a, 10:10

Elikadura kontzienteari, sexualitateari eta pentsioei buruzko saioak eskainiko dituzte hiru adituk, maiatzaren 9tik aurrera. Emakumeei zuzendutako doako saioak izango dira, eta dagoeneko eman daiteke izena.

Azpeitiko Udalak eta Emakumeen Txokoak askotariko formazio saioak antolatu dituzte 65 urtetik gorako emakumeentzako. Maiatzaren 9an, 13an eta 23an egingo dituzte doako saioak, eta elikadura, sexualitatea eta pentsioak izango dituzte hizketagai horietan.

Miriam Herbon hezkuntza emozionalean adituak irekiko ditu formazio saioak maiatzaren 9an, eta elikadura kontzienteari buruzko saioa eskainiko du 15:00etatik 17:00etara bitartean, Emakumeen Txokoan. Maiatzaren 13an, berriz, Edurne Mendizabal Arremanitz kooperatibako kideak sexualiatearen inguruko azalpenak emango ditu 15:30etik 17:00etara egingo duten saioan. Hirugarren eta azken saioa maiatzaren 23an izango da, eta bertan parte-hartzen duten lagunak emakumeen pentsioei buruz arituko dira hizketan Isabel Otxoa EHUko irakasle eta ekintzailearekin. 17:00etatik 18:30era bitartean egingo dute saio hori.

Antolatzaileek adierazi dutenez, azkenaldian adineko emakumeak Emakumeen Txokora joan ohi dira yoga egitera, eta saio horiei esker, beraien artean harremanak sendotu eta elkarren "beharrak eta nahiak" ezagutu dituzte. Horren ondorioz antolatu dituzte hurrengo hilean hasiko diren formazio saioak, eta han parte hartu nahi dutenek dagoeneko eman dezakete izena, Emakumeen Txokoan.

Bidali:  

Erantzunak

pintxotorpe | 2019-04-04 : 12:34

Non dago berdintasuna hemen? 65 urtetik gorako gizonek ez dute diru publikoarekin ordaindutako formazioa jasotzeko eskubiderik?

AzpeitiarNormalBat | 2019-04-04 : 20:14

Pintxotorpe, ikustek bai berdintasun kontzeptue ulertzeko ta berdintasune lortzeko zenbat falta zaigun hi bezelakuek letuta.
Gizonantzako bakarrik eon balitz ez huan berdintasune eskauko!
Hau dek konplejue dakezuena batzuk...

Txakurzarra | 2019-04-05 : 09:40

AzpeitiarraNormalBat, gizonak bakarrik ingo baziben ordun eongo ituan keja gehiena. KOnplejuek danok zazkeau, oneako ta txarreako, iual bestiek konplejuek zazkebekela pentsatzie dek hire konplejue ta horreatik ao akonplejauta, eztazkikelako hire konplejuek menperatzen.
Azkenengo gauza bat. Foro honta herriyentzako aportaziyuek inbeitxiau ta ez alkarri problemak lepoarazi

Juanlu | 2019-04-05 : 09:57

Emakume txokuen eskeintzeien saio, jardunaldi, ekintza eta beste abarren artien batzuk emakumiei zuzenduta bakarrik eotie etzat gaxki iruitzen.

“Elikadura kontzienteari, sexualitateari eta pentsioei buruzko saioak eskainiko dituzte hiru adituk.”

Gai hauen inguruen ordie eztet ulertzen aukerie emakumiei soilik ematie.

Juanlu | 2019-04-05 : 09:57

Emakume txokuen eskeintzeien saio, jardunaldi, ekintza eta beste abarren artien batzuk emakumiei zuzenduta bakarrik eotie etzat gaxki iruitzen.

“Elikadura kontzienteari, sexualitateari eta pentsioei buruzko saioak eskainiko dituzte hiru adituk.”

Gai hauen inguruen ordie eztet ulertzen aukerie emakumiei soilik ematie.

Juanlu | 2019-04-05 : 09:58

Erredios, bi aldiz gauza bera!

Txakurzarra | 2019-04-05 : 10:27

Ederki esan dek Juanlu, BERA eta ez BERDINA. #EuskaraGara

AzpeitiarNormalBat | 2019-04-06 : 00:06

Txakuzarra joño! Bestiei gauzak ez leporarazteko esan ta ni neure konplejuek gainditzeko gai ez naizela idazteiek? Koherentzi pixkat.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu